原來放落黑膠，連聲都會唔同
王梓軒昨日推出《Crossing過去。現在。未來》雙黑膠碟，紀念同歌迷過去的十年，並於上周六晚舉行兩場網上CROSSING黑膠試聽會」，同100位粉絲聽歌歡聚！
影片截圖
梓軒話印製這張唱片一波三折：「雙黑膠碟其實喺去年12月嘅演唱會已經有預售，本身諗住隔一、兩個月就推出，但疫情關係delay咗好耐，因為黑膠碟唔係喺香港印，要攞去英國製造，印刷同運輸所有嘢都delay，加上我喺美國，要同英國嗰邊兩邊溝通，第一批包裝仲要出咗問題，為咗做到最好，我哋用咗半年搞返掂至推出，所以要同歌迷講好抱歉！」
王梓軒製作咗半年嘅雙黑膠碟《Crossing過去。現在。未來》終於面世啦。
影片截圖
影片截圖
梓軒說製作黑膠是一次難得的經驗︰「最大困難係學習選曲、排歌同mixing，我之前全部都係CD或網上！原來放落黑膠個聲係唔同嘅，我哋排歌會影響到音質，黑膠碟排法有自己嘅邏輯，我又學到好多嘢。」至於揀歌方面，梓軒亦經過幾番掙扎︰「初時諗係咪將十年內最多人聽嗰20首歌擺落去，但諗諗吓覺得咁做冇乜意思，所以加插幾首之前冇plug過嘅歌。」
劉松仁獲頒「利瑪竇精神獎」，以答謝他對台前幕後的教導與無私奉獻的精神。
劉松仁擔任藝術總監、黃俊達執導、王梓軒及陳潔儀主演的音樂劇《利瑪竇》相隔四載，將於4月20至28日假香港文化中心大劇院三度重演！日前劇目主創人員劉松仁、黃俊達及王梓軒假尖沙嘴香港Mondrian酒店舉行盛大記者招待會，預演《利瑪竇》主題曲《The Journey》，讓到場人士先睹為快，率先感受劇中震撼人心的樂章。
相隔四載，《利瑪竇》將於4月20至28日假香港文化中心大劇院三度重演！
《利瑪竇》主創人員劉松仁（中）、黃俊達（右）及王梓軒（左）舉行盛大記者招待會。
三位主創人員於台上介紹於《利瑪竇》音樂劇中擔綱的部份，並邀請全力支持的和富慈善基金主席李宗德博士致辭，李博士大讚《利瑪竇》是很有意思的音樂劇，期望透過該劇為更多人帶來啟發與靈感，又謂很感恩透過是次贊助《利瑪竇》認識一班好朋友。接着，王梓軒率領劇中演員演唱《The Journey》，當中王梓軒更以意大利文獻唱，激盪人心的旋律，彰顯劇中利瑪竇神父飄洋過海，以堅定的信念前往東方傳道的歷程，讓人們明瞭生命就如一場遠征的美好旅途。
三位主創人員介紹於《利瑪竇》音樂劇中擔綱的部份。
王梓軒分享近日綵排的過程，透露擔任女主角的新加坡國寶級天后陳潔儀現已加入團隊，一同進行密集式排練，他笑謂：「阿達同我講，叫我唔好當係一個劇，係一個儀式，一個紀念利瑪竇精神嘅儀式。松哥由10年同我講呢件事，佢係影視嘅大明星，但係舞台佢少接觸，然後拉埋我哋咁多人，我仲記得第一日排得7個人，我係其中一個。」劉松仁表示：「佢哋係主角，繼承我哋，我好希望更多人可以同我哋走呢條路，將我哋嘅精神傳揚開去。」
王梓軒透露擔任女主角的陳潔儀已加入團隊，一同進行密集式排練。
王梓軒表示是次《利瑪竇》的演出規模比前兩次更大，台上表演者多達200位，包括管弦樂團，合唱團和香港一眾頂尖舞台劇演員，無論視覺還是聽覺效果亦有所提升，是他非常期待的一次公演：「就算同一個劇本，唔知點解都好似唔同咗，好似又明咗啲嘢，多謝松哥又教我哋嘢。」黃俊達指劉松仁經常教導台前幕後：「松哥成日話唔知可以留低幾多嘢畀我哋，其實佢教咗我哋好多嘢。」
王梓軒指今次《利瑪竇》的演出規模比前兩次更大，台上表演者多達200位。
劉松仁接着說：「人生上嘅嘢，面對困難嗰陣要擔面對，唔好企喺度，繼續行、繼續推動，上天會帶領我哋。藝術總監係符碌嘅，其實我覺得自己係打雜，咩都要做。」他表示希望《利瑪竇》可以輕量版出現，免卻經濟上的負擔，王梓軒指現時正構思更多不同的可能性，讓《利瑪竇》成為一個具延伸性的企劃：「我記得首演嗰時，松哥仲話係業餘咁做，點知12場文化中心爆晒，咁都算業餘，咁我以前做嗰啲係咩呀？」
劉松仁笑指覺得自己是打雜，咩都要做。
音樂劇《利瑪竇》能成功於舞台上呈現，當中全賴兩位靈魂人物神父恩保德（Giampietro）及劉松仁，花費五年時間創作及籌備。適逢公演在即，台前幕後特意於緊密排練期間，抽空舉行這場別具意義的記者招待會，於台上分享與劉松仁於音樂劇創作至今的難忘旅程，其中，劉松仁每次綵排看到鞋架擺滿鞋便開心，更可愛地為鞋架拍照留念。團隊於是向他送上整個劇團特別製作、由李宗德博士頒發的「利瑪竇精神獎」，答謝他對台前幕後的教導與無私奉獻的精神。
和富慈善基金主席李宗德博士（左）向劉松仁頒發「利瑪竇精神獎」。
王梓軒、劉松仁
王梓軒、劉松仁
最後，大會邀請李宗德博士、是次記者招待會的場地贊助香港Mondrian酒店總經理Mr. Dick Dalichau及音樂劇三位主創人員：劉松仁、黃俊達、王梓軒及劇組一同到台上大合照。
音樂劇《利瑪竇》三度公演詳情：
演出日期：2024年4月20日、23日-27日晚間場次：1930；2024年4月21日、28日午間場次：1430
地點：香港文化中心大劇院
票價：$680、$520、$350、$180
歡迎到cityline購票通訂購門票。
