*

酒店慶祝結婚三周年 鄧達智分享與伴侶相處之道

William話,友誼係夫妻及情侶間重要元素

愈嚟愈多已婚男藝人被掲偷食,經營一段婚姻唔容易,尤其同性婚姻就更難。9月9日係時裝設計師鄧達智(William)與醫生伴侶陳梓欣(Clement)的結婚三周年,因為疫情未能出國,兩人改於酒店staycation慶祝,曾確診新冠肺炎並已康復的鄧達智讚好陳醫生令佢好有安全感,「我哋行到今時今日,好難得!」

兩人結婚3年,由激情到了解,變得愈嚟愈愛。

William康復後返家,兩人飲酒慶祝。

當日酒店職員好識做咁幫兩人悉心佈置房間,一室紅白氣球加玫瑰花瓣,仲有大大個英文字LOVE營造浪漫氣氛。生於大家族的鄧達智向《頭條日報》坦承,至今仍然有鄉親畀眼神佢睇,對他唔瞅唔睬,甚至兜路行迴避他:「情況好似我新冠肺炎康復後一樣,上周我同屋企人去飲茶,對面枱嘅人一直用唔友善目光眼望望,最後叫侍應過嚟要求我哋調位,陳醫生好明事理,話咁樣係人之常情,因為社會好多人唔太了解個病,所以情有可原。」William形容自己跑過碼頭,見過世界,有唔少人生經歷,根本冇有怕!

- 閱讀更多 -

Tags:

往下看更多文章