業主重拾強勢,議價更加考牙力!
隨著限聚措施逐步鬆綁,市面人流開始增加,連帶二手屋苑睇樓量已連續數周反彈。惟業界認為,各大發展商重啟推盤步伐,吸去部分市場購買力,導致周末預約睇樓客量不升反跌。
利嘉閣地產研究部主管陳海潮表示,全港50個指標屋苑共錄1,380組客戶於周末預約睇樓,按周減少4.8%,終止六連升。不少屋苑業主已收緊議價空間,買家入市態度轉弱,二手市況短期或會較牛皮。
按地區劃分,全港三區指標屋苑的周末預約睇樓量全線向下,其中新界區跌幅較顯著,21個指標屋苑暫錄565組客戶預約睇樓,按周下跌5.8%。其中,天水圍新盤Wetland Seasons Park 第3期以貼市價開售,加上嘉湖山莊普遍業主叫價硬淨,導致周末二手睇樓量受壓。代理料,部分向隅客會在未來數周回流二手,整體市況樂觀,嘉湖山莊今個月暫時錄得約16宗買賣。
至於九龍區21個指標屋苑暫錄565組預約睇樓,按周減少5.0%。代理反映,美孚新邨不少筍盤已被消化,可供買家選擇的平價優質放盤匱乏,而且業主減價空間有限,資金入市步伐減慢,周末預約睇樓量按周回落。
最後,港島區8個指標屋苑錄250組客戶預約睇樓,太古城睇樓量與上周持平。代理指,平價盤源所餘無幾,業主收窄議價空間至1%至2%,但亦不乏換樓客出價洽購,最近太古城頻錄單日數宗成交,本月至今錄約20宗買賣。