很多網民都有同感!
很多市民都有感，不少的士司機的服務態度與經濟市道往往成反比，如藝人所言「去到山窮水盡先肯同你講多謝」，不過有網民在討論區「親子王國」發文，目睹連續3輛的士見到坐輪椅客人即冚旗揀客，令網民看不過眼形容「真係好衰」。
不少網民都有留言都不滿的士司機服務態度。資料圖片
網民透露，「喺銅鑼灣fashion walk 排長龍等的士，排頭位係一個坐輪椅的老人家，有工人同啲女一起。連續3架的士見到係坐輪椅，即刻冚旗，有個仲衰，埋到的士站，見到即刻開走架車。我排後面都睇唔過眼」。
不少網民都有留言都不滿的士司機服務態度。資料圖片
其他網民紛紛批評，「有啲真係好衰，扮睇唔到，所以推住輪椅，我寧願搭巴士」、「好衰。因為輪椅上車落車花好多時間，而且都係附近居民多，短途唔多錢。有朝一日啲司機都會老。」、「不關疫情事，早幾年我推坐輪椅家人外出搭的士遇不少，之後家人代截車，我才跟家人上車，係怕上落慢，又要幫手放輪椅」
有網民稱推輪椅很難搭的士。示意圖片
也有其他非乘坐輪椅的市民留言投訴，「我腳程十分鐘返屋企，因落雨搭的士。上車聽到同區唔洗跳表，關咗車門都叫我搵另一架，最後我落車行路算！周街吉的仲咁嘅態度」、「就算落雨截的士，見到你坐輪椅冇帶遮都唔會停，冚旗在你面前駛過，我仲試過畀的士佬話，叫我家人唔好坐的士，叫我call白車。」、「我試過抱住初生BB ，工人拎住BB車在街邊等的士去健康院，好多架吉的士經過都唔停俾我， 當時真係好想喊」。
港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。
示意圖片
女會計師連續工作68小時，過勞暈倒送院
該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係，而患上思覺失調，指對方精神失常，經常做出種種瘋狂行為：
「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」
「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」
「有次佢腸胃炎，佢直接搬張枱同電腦，去廁所一邊屙屎一邊做嘢」
示意圖片
弟弟警世：唔好做會計
樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」
示意圖片
網民勸：辭工休息吓，再轉行
帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。
示意圖片
帖文來源：連登討論區
