Skip to Content Facebook Feature Image

何珮瑜床戰搞痛楊天宇慘叫 母性大發想公開招婚

娛圈事

何珮瑜床戰搞痛楊天宇慘叫 母性大發想公開招婚
娛圈事

娛圈事

何珮瑜床戰搞痛楊天宇慘叫 母性大發想公開招婚

2020年09月24日 11:59 最後更新:12:30

好激!

Jeana自言很多場景都在酒店拍攝。

Jeana自言很多場景都在酒店拍攝。

何珮瑜(Jeana)日前為在下周一首播的ViuTV劇集《熟女強人》拍攝大膽床戲,與對手楊天宇又攬又錫,床戰連場,她笑指今次打破自己劇集性感尺度。Jeana說:「一定係啦!因為我都冇咩拍劇,做咩都會打破紀錄,我今日都著咗4層衫防走光,對手就要騷肌肉,咩都除晒!有一場我唔小心壓住佢大髀筋,痛到佢即刻慘叫。」

Jeana與楊天宇床戰連場。

Jeana與楊天宇床戰連場。

劇中其他女主角,都需要外景拍攝,唯獨Jeana大部份場口酒店完成。她說:「可能監製錫我啦,又可能劇本需要,我好多場景都係酒店完成,唔使日曬雨淋係好舒服嘅。」

Jeana謂現實中都想生B。

Jeana謂現實中都想生B。

Jeana打足4層底,楊天宇就赤膊上陣,仲要被Jeana壓住大髀筋痛死。

Jeana打足4層底,楊天宇就赤膊上陣,仲要被Jeana壓住大髀筋痛死。

Jeana就話等緊煞科宴,期待與姊妹重聚。「拍呢部劇最難忘係幫人做Spa,因為平時我都係去俾人按,今次就要同曾樂彤、朱鑑然有肌膚之親,劇入面又有埋BB,我現實中都想有個小朋友,依家我都母性大發,可惜我連個盤都冇,可能拍完部劇要公開招婚先得。」

往下看更多文章

湯怡拍《轉角浣紗街》享受me time 孖楊天宇玩姊弟戀掛住囡囡

2023年12月16日 14:00 最後更新:17:30

湯怡笑言示與楊天宇拍親暱戲零尷尬!

英皇藝人湯怡與「師弟」楊天宇在Viu Original本地原創劇《The Singleton呈獻: 轉角浣紗街》大玩姊弟戀!劇情講述飾演闊太的湯怡,因空虛寂寞,在咖啡店邂逅「小鮮肉」楊天宇,繼而火速撻著,而拍攝期間,二人有不少親暱場面,當中一幕楊天宇公主抱湯怡更盡顯浪漫。

湯怡首次跟楊天宇飾演情侶。

湯怡首次跟楊天宇飾演情侶。

默契十足。

默契十足。

楊天宇公主抱湯怡夠晒浪漫。

楊天宇公主抱湯怡夠晒浪漫。

演親暱戲零尷尬
雖然湯怡與楊天宇首次合作便飾演情侶,但他們異口同聲表示零尷尬,湯怡指:「冇諗過我哋可以做到情侶,呢個組合非常新鮮,合作過程,佢畀我感覺好有活力,同佢拍劇好開心。我哋拍親暱戲都冇乜尷尬,以前嘅我可能會有,而家反而冇諗咁多,大家識咗好耐,冇尷尬感覺。」楊天宇不諱言在公司聚會中經常見到湯怡,又會時常傾偈,所以就算第一次合作拍劇,感覺既不陌生,亦不緊張,他說:「今次係輕喜劇,每集十分鐘左右,所以埋位嘅狀態都好輕鬆。」

湯怡孖楊天宇談姊弟戀零尷尬。

湯怡孖楊天宇談姊弟戀零尷尬。

同公司的湯怡與楊天宇老友鬼鬼。

同公司的湯怡與楊天宇老友鬼鬼。

《轉角浣紗街》中的湯怡角色是小三闊太,感情生活複雜,不過現實中,她自言對感情專一:「我唔會因為拍拖而拍拖,要認清楚、好了解對方先會一齊,因為自己唔想浪費時間。」

楊天宇原本看上咖啡店老闆娘楊偲泳。

楊天宇原本看上咖啡店老闆娘楊偲泳。

榮升人母首拍劇
此外,今次是湯怡榮升人母後首次拍劇,她笑言感覺既熟悉又陌生:「結婚之後有拍過電影,不過就真係有一段時間冇拍劇,好開心拍劇變成me time時間,如果喺屋企,小朋友會比較黐身,而家開工感覺比較relax,不過有時亦會好掛住囡囡,因為囡囡而家識講嘢,每次出門,佢都叫『唔好走』,我唯有同佢解釋媽咪要返工,唔返工冇嘢食,灌輸佢,父母要工作。」

湯怡孖楊天宇玩姊弟戀。

湯怡孖楊天宇玩姊弟戀。

湯怡拍劇找回me time。

湯怡拍劇找回me time。

一連10集的Viu Original原創劇《轉角浣紗街》講述一個怕受傷害、寧願從不開始的女生,遇上認為痛過才算愛過的分手大師,在這小小的咖啡店裡,一同見證著眾生的愛情故事。劇集逢星期五、六中午12時在「黃Viu煲劇平台」獨家上架,香港觀眾可以免費緊貼最新進度 。

《轉角浣紗街》逢星期五、六中午於「黃Viu」上架。

《轉角浣紗街》逢星期五、六中午於「黃Viu」上架。

你 或 有 興 趣 的 文 章