首訪同學公屋家 住私樓網民驚呀：原來差咁遠

有網民話，現時的公屋環境都唔錯

香港一向置業艱難，尋得一個安樂窩是不少人的理想，近日便有網民討論到底公屋與私樓有多大的分別。

近年不少公屋的環境已經相當宜人。資料圖片

「連登討論區」有網民發文，指自己小時候住在私樓，不知道公屋的環境，「細細個住私樓，夏天去樓下泳池游水，得閒去會所做下暑期作業，以為個個人屋企樓下都有泳池」，又指住公屋的朋友都羨慕他，「佢地話上你屋企玩下啦，跟住佢哋入完樓下花園個鐵閘後就哇哇哇，見到個大堂又哇哇哇，入到屋之後就話你屋企好大好靚呀，我同佢講：平時我訓下面個層，佢話：你仲有一層呀，個陣我都無為意，覺得佢地好客氣」，網民並指從小住在私樓的自己從未到訪公屋，直到上同學家才發現公屋的空間比起私樓差得多，「之後去左個公屋朋友屋企叫佢教我入歌落mp3度，個陣先知道原來公樓私樓差咁遠」

網民稱小時候居住私人樓宇未去過公屋。資料圖片

帖文引起其他網民熱議，有網民留言表示擁有相同的經歷，「一出世住二三千呎唐樓，細個以為係屋企踏單車係好正常，成日叫啲同學仔上嚟踏單車。」亦有網民同意公屋的居住環境十分惡劣，「細個個時去阿婆屋企食飯，佢住公屋，成日都覺得條邨好污糟，就唔想去，從此覺得自己屋企都唔係太差。」、「中學先去留意邊個係住公屋，印象中就係走廊又長又陰沉，廁所好多核突渠管。」

近年不少公屋的環境已經相當宜人。資料圖片

但亦有其他網民表示，公屋也有好處，「公屋大，細係細啲但真係會同屋企人親密啲」，有網民便指無需介懷自己居住環境，「中學就好多同學都係有錢仔，住豪宅，個內心都只係「嘩咁大好舒服」，但都係覺得咪又係咁，完全唔會覺得自卑/睇唔起人住公屋。」。另外有網民指其實現時新式公屋的環境已經改善了很多，「覺得公屋唔係樓上講得咁恐怖，呢10年啲公屋環境好過舊私樓好多，至少廁所乾濕分明又夠光猛，而且爛馬桶、水龍喉都唔使揞荷包去整，我都想整番層嚟住」

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」