網民都讚港媽有家教
有網民稱發文指,其3歲兒子鼓起勇氣6次促陌生老伯戴口好罩,老伯不勝其煩終於戴好口罩,這位媽媽形容是「做得好好」、「你係勇士」、「你係媽媽最驕傲的兒子」
資料圖片
網民Crystal Chung在facebook群組「Tai Po 大埔」發文,呼籲網民給個讚好她兒子,「我覺得佢做得好好。...我個仔,真係好夠膽」。
資料圖片
她透露,她帶同兒子去外婆家,途中兒子在大廈升降機遇見一個坐輪椅的老伯,阿伯將口罩拉低。「我個仔係咁同個啊叔講:你可唔可以帶返個口罩啊? 你帶返個口罩好唔好啊?」,說了6次之後,大叔差不多出升降機,才向兒子說「我咪帶咗口罩囉!」,然後才拉好自己的口罩。
港媽透露3歲兒六度促老伯戴口罩。Crystal Chung圖片
港媽直言,「我一直唔出聲,因為我見個仔出咗聲。一個3歲既小朋友都明白而家帶口罩個道理。點解一個幾十幾嘅啊伯仲唔明呢!」港媽又透露,這個阿伯已經並非第一次,兒子跟他同升降機多次, 都要開聲叫他帶好個口罩。
資料圖片
帖文吸引過千名網民讚好,說「做得好好,相信媽媽平時都教得好,兩個都要讚!」、「有家教」。
食客叫連鎖快餐店外賣驚見「超薄切豬扒」、「紙咁薄西多」,引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文,表示日前到某連鎖快餐店買外賣,當打開外賣後盒,驚見其中的吉列豬扒超級薄,更揶揄「薄切吉列豬扒,真係好功夫」。從照片中可見,這塊吉列豬扒真的非常薄身,外層的炸粉比肉更厚,十分誇張。
有食客光顧連鎖快餐店買外賣,驚見「超薄切吉列豬扒」。(FB圖片)
引網民揶揄「燈影豬扒」
照片一出,不少網民批評快餐店離譜「偷工減料好嚴重」、「加價好過降低食物品質,做臭自己個招牌」、「根本用肉片,佢都好意思俾人食」;網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉!」、「爭少少薄過A4紙」。
有網民留言表示亦曾經中伏。(FB圖片)
又係連鎖快餐店出事,食客堂食「西多紙」
其後,又有另一食客於同一Facebook群組分享類似中伏經歷,表示日前到某連鎖快餐堂食,點了雞髀拼西多士,豈料西多士竟然薄如蟬翼,他立刻拿出身上的拉尺一度,件西多竟不足0.5厘米厚,從照片看,根本看不出來是一件西多,樓主苦笑言「好食,皮薄餡靚,大推」。
有另一食客遇上「西多紙」。(FB圖片)
網民笑「人情薄⋯西多仲薄」
帖文同樣引熱議,有網民搞笑表示「西多紙」、「而家牛角包都興壓扁黎食,可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮?」、「可能係春卷皮」、「又有納米吉列豬扒又有納米西多,香港真係飲食天堂」、「人情紙咁薄已經過時,而家興用吉豬或者西多」。
網民分享「超薄叉燒」。(FB圖片)
有人分享「超薄紅腸」。(FB圖片)
帖文來源:Facebook群組「香港茶餐廳及美食關注組」