英皇女新人艾妮搵暖男 直言有準備M巾的會加分

艾妮：追求者為我準備衛生巾都幾Cute。

英皇靚聲女新人艾妮（Elly）早前推出HiFi碟《Closer》，今日她到旺角一間唱片店舉行簽名會獲粉絲支持。是次是加入公司後首個活動，很開心與粉絲見面。她表示首批推出2000隻，走訪8間唱片店見銷情都不錯，稍後也計劃推出限量版黑膠碟。在疫情下推出新碟不覺輸蝕，反而多謝公司在疫情下都幫她出碟，又有很多不同機會。

艾妮同泳兒係好夾組合。

Elly今日到旺角一間唱片店舉行簽名會。

簽名會獲粉絲支持。

Elly嘅HiFi碟送滑背相。

張孝全係男神。

早前推出HiFi碟嘅英皇新人艾妮（Elly）視張孝全為男神。

除咗和泳兒一起搞網上音樂會，反應很好，公司提議兩人可以搞組合外，早前和男神張孝全合作拍網劇：「我角色叫雞脾妹，有場戲講佢請我食雞脾，我刻意弄污嘴角，佢話幫我抹嘴，即時心跳加速、好開心。現實中我都鍾意暖男，會照顧女人嘅男士可以加分，如果男仔幫我準備紙巾同水會加分，我聽過有男仔甚至細心到會準備埋衛生巾。如果追求者為我準備衛生巾都幾Cute，幾好呀！因為女仔每個月都需要。不過未有人咁做，都期待有呢啲暖男追求者出現。」

自認「洗碗達人」的泳兒大嘆：「我驚嫁唔出！」

由森美、馮盈盈、陳若思及倪嘉雯主持的問答遊戲節目《OneDegree家居保險呈獻：HOME即是識》，逢周一至三晚10點半翡翠台播映。《HOME即是識》是一個關於家居大小事的問答遊戲節目，透過問答遊戲及做實驗等不同方法教曉觀眾家居大小事。參賽者不論藝人或素人、只要擅長處理家中大小雜事就能參加，組隊爭奪高達港幣10萬元的獎金獎品！

陳若思（左起）、森美、馮盈盈擔任主持。

泳兒、黃明德

許靖韻（右）、艾妮

波兒（左）、Yanice

柏喬、顏太

Ricky（左）、羅記

Nic（左）、Winnie

上周三（2月28日）晚播出的第五輪初賽由藝人隊泳兒＋黃明德、許靖韻＋艾妮擔任嘉賓，素人隊則有波兒＋Yanice、柏喬＋顏太、Nic＋Winnie和Ricky ＋羅記。泳兒甫出場即自認是洗碗達人：「我最叻洗碗，快靚正！」言猶在耳，泳兒卻在第一回合即出洋相，其中一條問題是「百潔布應該用黃或綠色一面？」，泳兒說：「我洗咗十幾年碗都係用黃色。」而正確答案其實是綠色面，換言之泳兒一直用錯方法洗碗！經過一輪激戰，泳兒＋黃明德和許靖韻＋艾妮分別獲得700分，婆孫組合柏喬＋顏太則獲得1,300分先拔頭籌！

泳兒自認洗碗達人，但原來用錯方法洗咗十幾年碗，勁搞笑。

婆孫組合柏喬、顏太暫時領先。

大家都玩得好認真。

艾妮原來係常識達人，真係估你唔到。

明晚（4日）播出的一集，曾做過註冊護士的艾妮搶盡風頭！在最後的「終極搶答題」中，「常識達人」艾妮頻頻出招成功搶分，「咩性質清潔劑加落漂白水會釋出有毒氣體？」、「水費幾多個月結算一次？」、「香港單相電壓幾多伏特？」等問題完全難不到她，其中一題就連問題都未問完，艾妮不單極速答中答案，就連問題都能完美推理出來，非常誇張，森美大讚艾妮：「佢咩都識，男士見到都想娶！」向來搞笑的森美更即場拉紅線，問到素人柏喬對艾妮有沒有興趣，柏喬怕醜仔上身口窒窒，反而婆婆顏太對艾妮嗒晒糖：「得呀！得呀！」場面搞笑。另邊廂，身為同門師姐的泳兒全晚齋坐一條問題都答唔中，她面露難色說：「我驚嫁唔出！」想知道最終哪一隊勝出比賽？密切留意明晚播出的《HOME即是識》。

艾妮連問題都估得番出嚟，勁誇張。

柏喬變咗怕醜仔。

婆婆顏太就嗒晒糖。

泳兒笑言擔心自己嫁唔出。