男朋友睇住係穩陣啲。
泳兒同男主角貼身舞，搞到男友都要監場。
泳兒（Vincy）剛推出今年第一首派台作品《溝渠暢泳》。去年年初，Vincy找來合作多年的詞人周耀輝為整年的歌曲擔任概念指導，輝哥與Vincy決定以「花」作為主線，透視她心中的種種遐想。
泳兒MV中與男主角要貼身跳舞。
男主角仲要唔着衫，搞到泳兒初初都有啲尷尬。
Vincy表示歌曲創作靈感來自英國詩人OscarWilde的名言：「We are all in the gutter, but some of us are looking at the stars.」她認為這是一句很大鼓勵性的說話，「我哋生活裏面成日都會遇到一啲解決唔到嘅問題，或者一啲挫折，感覺就好似跌入咗溝渠，但無論遇到乜嘢困難都好，有啲人係永遠都抱住一個奮鬥嘅精神、好正面嘅態度，就算跌入溝渠，佢都可以望到天上面嘅星星，永遠有希望。」Vincy透露一收到歌詞自己在家中練歌時一度爆喊，「非常之有血有肉，雖然佢嘅描述得非常之抽象，但有好多句子我覺得係直插入我心裏面。」至於作曲方面則找來第二次合作的馮穎琪，去年她為Vincy寫了《花心》，今年再挑戰難度，Vincy說：「我問佢點解會寫《溝》俾我？佢話因為覺得寫完《花心》俾我之後我可以再挑戰一首難度更高嘅歌曲。」
泳兒早前為新歌《溝渠暢泳》拍攝MV。
MV中，Vincy飾演男主角心中的陰暗面，要令男主角馴服於她，導演Matthew要求二人以舞蹈表現出來，因此MV中二人有不少親密接觸，Vincy笑說：「導演話要同佢跳舞，其實前幾日我睇到reference嘅時候，我以為係一隻好優雅、好似跳華爾茲呢啲舞，點知一埋位原來係要貼身咁跳。因為MV入面我係要控制佢，而佢係一個冇靈魂嘅人撻咗喺我身上。初初都有啲尷尬，頭幾shot係有啲崩緊，慢慢就進入咗狀態。」問到Vincy跟男主角跳貼身舞是否要得到男友批准？Vincy說男友有「監場」：「佢都喺現場……幫我整頭，哈哈！」
觀看相關影片按以上畫面。
其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」
張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。
《EEG電笠人人和音校園巡演》。
Polly劉若寶
六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」
軒仔遭參賽者追數，「我想問吓你着泳衣條數幾時找？」
去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」
軒仔與學生分享表達自己真正觀點，以及決自己不開心的方法。
軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」
Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」
Gin唱出新歌《Diff.》及《企好》。
Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」
Gin又分享自身經歷。
另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。
Vincy分享入行初期被被誤會「好串」的情況。
Aiden洪助昇
Andy黎展峯
Dark黃明德
大合照
