愛車積架攞去原廠維修 整完又整再整要俾10萬 不如在西環推落海啦!

剛剛進入初夏，早上5點鐘左右，晨曦初現，陽光和煦，天亦好光猛。我揸住我的大貓積架，沿著窩打老道，朝西九龍方向，開得好爽。

開到剛見到消防局，停在紅綠燈前，到綠燈亮起，大貓就好似，食錯食物咁不斷抽筋，引擎不斷抽搐。即時將大貓車，慢慢停喺消防局，後面路邊，唔敢再打擾這隻，突發急病的大貓車呀，不敢再用隻大貓喇。開車門，call拖車先生，叮囑拖車師傅，小心幫我拖去，葵湧國瑞路的英之傑屬下，積架大貓，維修專門店。

早上巡查完，送報紙工作。放工做運動，回家沖洗，叫女兒阿真媽媽，幫忙送我，返到公司。入到辦公大廳，問靚女同事: 「我隻大貓，生什麼病呀？」靚女答謂: 「唔知喎，積架陳姓，服務員話，明日先知喎 。」翌日， 我回到公司，第一時間，好緊張問，我個靚女同事，「點呀，宜家隻大貓情況？」靚女說，「陳服務員話，個引擎唔知邊度，邊忽燒咗喎。整就要三萬幾，再等三個禮拜，飛機運零件，再加埋換，啱啱一個月。三萬零蚊啦 ，就搞掂啦。」

我回憶，我修理，自己私家車，好似從來沒有，用咁多錢呀。以前買過，兩架積架房車，價錢都是三、五、七萬，從沒有超過，十萬喎呀。但是自從，揸住這架黑大貓，近兩年，越開越開心啊。死死氣，等一個月。我咁愛它，都要修復它，都要俾錢哪。整好它，付款喇。

一日復一日，每天大大個太陽，盛暑的天氣，瘟疫的日子。坐了一個月小巴，帶住口罩，上下車，消毒液抹手，差不多，要清潔埋安全帶及坐位啊。我這種用開私家車的人，無車就辛苦哪。忍受了，痛苦一個月，我就問，我的靚女同事，「我隻大貓點呀，出院未呀。幫忙打去問下，做完手術未呀，修復好未呀，出得院未呀。」轉頭靚女同事，入我房，面色好慘情咁話: 「老闆，陳服務員話你隻大貓 ，大偈打開心臟副偈，諗住換零件，但係發現，又有個零件爆咗喎 。如果要再整，要畀多，兩萬幾銀，又要等多一個月喎。」

聽完靚女說，我的腦袋，即時爆炸，當時真是，分分鐘中風。咁都得，佢哋係獨家代理喎，大貓維修廠，係名牌喎 。英國積架，給她們代理，一定信她們服務，超好，才信任，英之傑喇。我好不開心說，「可不可以，同積架講，我不修理喇，給回之前，我俾的維修費我，我不整，攞去西環海邊，推落海就算，見不到，大貓情人，心死了。」靚女打完電話，就跟我說，「不能退款呀。」

他們是代理，是名牌維修廠。他們電腦一接，什麼毛病，都瞭如指掌 ，他們今天，可以不知毛病，接住一個月，又話又有，什麼毛病。可以整多久，可以整我幾多銀呀? 整到何時何日，整到地老天荒，貴過我買車的銀，都有可能喎。他們英之傑，汽車集團，跟街上山寨車房，有什麼分別啊？你急病，救傷車，送咗妳入醫院，唔係幫你檢查好，你有什麼病，怎樣醫呀，收幾多錢。現在他們，收咗我治療費，都未出院，就話做做手術，打開個心臟，弄開個偈。就話個心，有第二個問題。我點樣再信，這間代理積架，英之傑汽車集團呀。

沒多久，夾在修理廠與我中間，被我逼瘋，的靚女同事。苦瓜乾臉孔，向我說，「他們不願意，給回錢我們。只是重覆說，要維修，就要俾多二萬多，等多一個月呀。」

錢，應該俾，我一定俾。但是現在是，他們劏開，大貓個內臟，搜搜吓，又話個度有事，又話幾多銀，又話等多久。我都沒得計算，我架大貓，買了廿萬。今天要維修，加埋六萬。但是他們，敢不敢話，整埋今次，就健康出院? 分分鐘，打開個肚，心臟沒弄好，就話個腦有事。可能貴過架，新大貓。之前洗濕個頭，三萬多。現在又話，打開個心臟，又要二萬多元。好似一刀一刀，慢慢割我，辛苦揾來的賣肉血汗錢啊。

等我再想想，搏不搏多次。想了兩天，俾了三萬多，整都未整。又話要，俾多二萬多。不維修，又話要充公三萬多元已付的錢。我的愛車，大貓瞓在手術床。他們可以，趁你病，同你講數。英之傑大集團，可以咁樣做生意？無論人與死物，曾經服務過我，就算一對襪，穿著得久，穿得舒服，用到破爛，再穿不下，我的心默默多謝它，承載我的腳多年，我會記掛它、我會多謝它。我的大貓，沒病沒罷工，接載我，風雨近兩年。我愛大貓，心意決定，修復好它啦。

從廿歲仔，有駕駛執照。開始揸貨灣，揾食出入。這兩個多月，無車出入，這個大暑天氣，瘟疫時間。又要戴上口罩，坐公共大小巴士，真是幾十年加埋，都冇坐得咁多，公共大小巴，搭車的日子啊。當我適應了，上落公巴，坐地鐵，要吃苦瓜，飲涼茶廿四味，解除又濕又熱，的苦日子，又到接近兩個月喇，開始每天吹催，靚女姐姐，「有冇打電話，問候我的，大貓貓情況，有冇好轉，零件到未呀，幾時取車呀？」

差不多兩個月，終於宣佈，大貓可以出院。但是接大貓出廠，要預早一天通知，因為大貓，不是在積架葵湧廠修理。我想，早前有傳聞，話有代理公司，為了節省成本，外判車輛，給外間山寨，汽車廠維修喎。心內有點疑惑，忐忑的心，把迎接大貓喜事沖走。今天仍然，未有釋疑。當我收到通知，翌日下午，放工取車。一夜好睡，興奮早晨，穿上紅色恤衫，喜事開心，好似接，新娘過門，回家一樣。從我和宜合道公司，一步一興奮，越行越快。好快，我就全身都是汗，紅色恤衫亦濕透， 突出我的，老人肥腩身材。行到積架維修部，高叫我從未見過的，陳性服務員: 「我來取我心愛，的大貓車啊。」陳服務員話: 「我通知同事，開過來。」當維修部員工，徐徐慢慢，揸到我旁邊。 我開心到，好似見到，濶別很久，遠洋歸來，的愛人一樣。即時擒上，我的大貓愛車。

我用塑膠箱，盛載冷氣水呀。

闊別兩個多月，我的貓，依然這麽敏捷，高速衝上，高速公路。向何文田，方向奔跑。當我轉落窩打老道， 點解左邊，乘客位，地下濕嘅。有水一滴一滴，好似我的心血，滴下地氈。在乘客位前面，風口下面，好似死亡之鐘，滴答滴答聲，催促到我心臟，跟水滴的聲音，越跳越快。回到我家，停車場。我摸摸，乘客位地氈，好似我在，太陽底下，走了十五分鐘，我的紅恤衫，濕透那樣。我匆忙，打返去，大貓維修廠: 「喂，陳先生，架大貓車漏水喎 ，給你們搞到，失禁瀨尿呀。」陳服務員說，「你即刻揸返嚟，俾我哋再搞搞，我哋再檢查 。」我話: 「大佬我返到屋企啦，而家都五點幾喇，你都要收工，我揸返嚟，再返屋企。我唔使同我，老婆仔女食飯咩。明早我揸返嚟啦，才慢慢談喇。」

翌日早上，冷氣都唔敢開，揸到底褲都濕曬，去到積架維修廠 陳姓服務員，上車看完，好羞愧講: 「我哋又係，離譜啲呀。」我話「唔喺離譜呀 ，你哋喺，完全無檢查清楚，就俾架車我。個個車主，俾你們整車 。你們係，頂級維修廠喎，正廠正貨嗎 。你們不是，山頭街邊，山寨廠呀。你要檢查清楚，才叫我取車呀。更要話清楚我知。我架大貓車，究竟全車，有什麼病，維修幾多銀。整定唔整。整幾多錢，我才決定。打開副偈，又話加錢。取車未回到家，又出事。整完一樣，又一樣。而家又一樣。我點搞呀。我不如拎去，西環海邊，推咗落海？無眼屎乾淨盲，唔使給你們，玩咗兩個月，都未玩完，咁痛苦呀。」

不夠三日，佢又報價，俾我個靚女同事。又要四萬幾，話個冷氣喉穿咗，如果要換呢，分分鐘，嗰個冷氣泵，都要換埋 。我想咗好耐，我給積架維修廠，整到怕。我都係唔俾們修理，但是到今天， 問我D，整開貨灣，修車廠。個個車房，都擰曬頭，平治、福士、寶馬，日本、韓國車，什麼都識修理，獨是積架不識整。這種車，坊間叫雪條車，單是維修，就充滿是理由。

小強

** 博客文章文責自負,不代表本公司立場 **

忘不掉的傷痕，忘不了火災，不斷重複又重複。十多年前，我的記憶重現，佐敦彌敦道大火，忘掉了死了十多人，或近廿人呀，成為當年，國際大新聞。今天佐敦彌敦道又發生大火，只是斜對面咋，又是佐敦彌敦道大火，不過今天，燒了間舊式舉鐵運動會所，但是濃濃的煙，無焗死很多賓館旅店的旅者及國際友人。應該今次死少咗喇，可算有些進步啦。

新聞報導，截到星期六，五死五危殆一重傷，但不知多少人受傷。立法局議員，走出電視台畫面講，政府什麼部門，哪位官員來負責。十多年來，政府房宇署消房處，還有不知道的什麼處，她們部門，都不知出了以無數計的警告信件，出了幾多強驗信件，不斷印，不斷出，不斷寄，十多年，但永遠沒有下文，印，出，寄，簽署，香港納稅人出糧的政府屋宇署人員，似乎都是港英時期，舊帝國的機械人，只懂官樣文章，只知麻木不仁，有冇為人民服務，主動保護人民生命啊。屋宇署真是誠實，說給傳媒知，9500幢，收了貴署，警告信，都是不理不做不改善不回覆。你們可以不理不告不釘契，不強硬不代表住客，先執行先處理危險隱患，政府處理完，訴諸法庭，收取所有工程費用，再加利息手續費。如果你們貴署，做好你們工作，今天香港，就沒這麼多，外國鬼香港鬼，亡靈寃魂喇。

剛剛過去，紅山半島，豪宅獨立屋，十居其九都有僭建。直至有一天有一夜，傾盤豪雨沖走豪屋底部泥沙，露出石屎鋼筋，搞出豪宅，底下條條揈，變了懸崖危屋，傳媒新聞大賣，才急急查察，才發現不去僭建的屋主，才是傻仔喎。因為住小咗住細咗，蝕底咗好多年啊。這批紅山半島，業主大老闆，莫非有錢人，就本是有運。得到上天打救，雨神救了她們，只是賠錢，不用賠上生命。沒錢的人，就本應沒有運氣，住在廉價劏房，還遭遇魔鬼火神光顧呀。

講到不理自住物業，不理大廈老舊不維修，不理不啋政府部門警告信。我相信都是我曾居住5年，的何文田常盛街，所謂老舊豪宅，最典範最極致喇。我剛剛這個星期六上午，返回我住了五5年，但是已經搬離，何文田常盛街舊居，當我駕車，駛入露天停車場，突然間大大聲，轟天巨響，大大舊石屎，跌落車位簷篷，接住仙女散花，碎石散在地上，飄起灰塵。幾位管理員與清潔工人，走出車場，一起呼應。讀者諸君，你們沒有看錯，是呼應，不是呼救，也不是驚嚇，接著她們一起，說出一種話語，「又跌石屎啊」，即是話給讀者看官知，跌石屎跌慣喇。

我在車內想，點解這屋苑，咁高級咁高尚，有現職政府超高官住，又有退休高官住，又有大老闆住，又有大醫生住，他們更有捐贈藝術品，捐到博物館，寫上他的大名，放在館前，答謝他的。這些大善心人居住的地方，點解我由第一日搬入，講大廈維修，講了5年，都得個吉字。據屋苑保安雷隊長講，這屋苑的業主，錢就好多多，但外牆就是外牆，屋外就是屋外，不關他事㗎。但他們對兒子就不同喇，有位業主大老闆，講給雷保安知，他俾咗十幾億個仔洗呀，但是大廈維修，今天都沒完成啊。

最近喺youtube睇到，星加坡前副總理，接受訪問，印度會不會，追上中國發展，超越中國經濟。這位前星加坡，貎似印度裔的副總理，就答道， 「冇可能喎，我睇唔到喎，中國的成功經驗，印度冇喎。因為中國共產黨，有責任制喎，有問責制喎，印度都冇，咁點會超越中國呀。 」

這個訪問，就令我諗起，香港由港英開始到今天，好似近二百年，好似都未有一位高位，因為工作能力不濟，因為工作不力，而要下臺喎。當然葛柏是因為貪腐去坐牢就有，但是沒有一位，因為工作不力，工作無能，而要問責下臺，連以假退休方式問責，一位都冇㗎。所以我老師，某政府部門副處長，曾對我感嘆，我任何公務員基層下屬，工作不力，他都沒能力，請他吃魷魚㗎。更不要講中上層公務員啊。我想了很久，咁樣搞落去，這個香港官場，官員的辦事能力，真不敢再想下去，我的超哥，怎樣可以，將香港搞上去啊，我唯有拜多D神，祝福香港好啲啦。