*

冇得同靚湯過中秋節 馬明送月餅畀女友父母自嘲老土

最緊要有心。

馬國明、高海寧(高Ling)及黎諾懿今日出席新劇《C9特工》宣傳活動,對於喊戲獲網友大讚「晒冷視帝級演技」,馬明謙稱是劇本好、有層次,才能令觀眾笑中有淚。他又否認女友湯洛雯因自己在社交平台上載與高Ling的劇照而呷醋,靚湯公私分明喎。

馬國明、高海寧及黎諾懿為新劇《C9特工》宣傳。

高Ling同靚湯私下老友鬼鬼,今年1月靚湯更為高Ling慶生,又點會嬲呢!

不過,馬明就直言跟女友各有各忙,未有一起追劇,中秋節也未能「人月兩團圓」:「阿湯要拍電影,我拍的《兒科醫生》又因趕進度而分AB組拍攝。我買了月餅送給uncle及auntie,的確好老土,但真的想不到該送甚麼,哈哈!」

馬國明昨日上載劇照,留言:「C9特工……高大勁真係好愛cute媽嫁(㗎)……」又配上心心眼emoji,女友湯洛雯玩嘢以喊樣emoji回應。

- 閱讀更多 -

往下看更多文章