女友舉家移民 公務員男友唔想走：係咪分得手？

兩難~

一名29歲任職公務員的網民發文，指女友日前才獲家人告知已經賣樓，決定下月便移民，兩人對消息感到十分意外及心痛。事主雖家人有能力移民，惟他不捨任職6年的穩定工作，未有離港打算，亦不想勉強女友留下，故在網上求教：「我們是咪可以分得手。」

資料圖片

事主向Facebook群組「公務員secrets」投稿，稱女朋友今年11月將25歲生日，女方家人希望利用持有英國國民(海外)護照BNO在女友26歲前移居英國。女方家人連樓也賣掉，10月底就要搬去其他親戚家暫住。

資料圖片

事主稱，昨日得悉後，與女友傷心落淚，「大家都唔想分手，但自知依家唔係去外國做幾年嘢咁簡單，係諗住真係係個邊生活，個心痛到碎曬，咩都做唔到。」

事主決定，「剩底個零月同佢去多啲地方，有多啲回憶，頭先同佢Skype住睇翻大家一齊影嘅相，諗翻起去過嘅地方，相處嘅情節等等，又喊到收唔到聲」。不過事主直言，不捨得女友離開， 事主形容，「佢係難得一個咁明白我、理解我、願意為我著想嘅女朋友，我真係好唔捨得佢」。

示意圖。(GETTY圖片)

但事主已經在政府入職6年而且快將升職，但又不想自私強留女友在香港。他的家人有能力移民，但無打算走，事主本身想移民的意欲平平 ，於是求教「因為我真係放唔低我份穩定嘅政府工。 我們是咪可以分得手？」。

網民就眾説紛紜，有人稱「她值得更好嘅人，你除外」。也有人認為，「一個覺得份工緊要過女朋友，一個移民last minute先通知男朋友，feel唔到你地感情幾深喎。誠實啲對自己，好嗎？」、「好明顯，樓主認為而家份工比呢段感情重要。分手之外，別無選擇。」

資料圖片

也有人覺得一份政府工並非所指重要，「29歲仔啫... 講到好似59歲就嚟退休，唔想冇咗筆長俸咁」、「你29歲仲後生，去外國由零開始都唔太難，工作定女友重要就你自己先知」。

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」