新劇首播飯敘獨欠胡杏兒 沈卓盈晒船P性感相谷劇

仍在內地工作的杏兒都在在IG哂相谷新劇。

由胡杏兒、吳千語、沈卓盈（Jess）及吳家麗等主演的ViuTV新劇《熟女強人》前晚（28日）啟播，當晚監製伍健雄相約一眾演員食住飯睇首播，出席的包括家麗姐、千語、Jess、陸詩韻、曾樂彤和何佩瑜（Jeana），難得重聚，大家都表示好興奮好開心，惟劇中七姊妹獨欠杏兒一人，甚為可惜。

（左起）Jeana、家麗姐、陸詩韻、Jess、曾樂彤和千語前晚相約食飯睇首播。

因工作缺席的幸兒惟有FaceTime加入大家。

因工作未能現身飯局的杏兒，連日來都好盡責地於社交網站分享拍攝花絮照谷劇，昨晚她就分享了在遊艇拍攝的船P煞科戲的短片，並留言：「同班強人姊妹嘆住香檳，享受陽光開工……嚟緊有唔同嘅氣氛場口會陸續出現，希望大家要繼續追看。」

片中，杏兒又表示在夕陽靚景下，嘆住美酒與佳餚又可以一邊打住卡煞科，感覺好浪漫，她說：「浪漫呢樣嘢唔單止同男人，同女人都可以好浪漫。」

而Jess昨日亦於社交網站公開七女於船上拍的靚相，當中最資淺的曾樂彤雖然大騷白滑長腿，但上身卻穿長袖兼笠救生衣，非常密實。

大風吹到大家頭都亂晒。

千語（左三）連樣都唔見埋。

好在最後都有一張見得街。

至於Jess和Jeana就穿上低胸裙稍稍露出事業線，不過都唔及身旁的陸詩韻咁養顏，事關她以比堅尼披薄紗外套上陣，隱約晒出34D巨咪；而最搞笑是個頭吹到亂晒的千語，她幾乎張張相都俾頭髮遮晒塊面，好狼狽。

沈卓盈囝囝Jayden雖然下個月才滿三歲，但已生得手長腳長，而且眼大大又鼻高高！

40歲的沈卓盈2019年與富貴男友Calvin結婚，並於2021年5月誕下兒子杜柏霆（Jayden），自此早已離巢沈卓盈專心相夫教子，經常陪囝囝四圍去玩，近日就連去了兩個主主題樂園，即將3歲的Jayden更獲網民大讚好靚仔！

沈卓盈月初40歲生日，老公和囝囝為她送吻。

沈卓盈連日在IG帶囝囝去玩的照片，可見她與老公先在復活節假期帶囝囝去海洋公園玩，並透露囝囝熱愛坐纜車，「Jayden最鍾意坐纜車，今次一共坐咗三次..係三次！」可見沈卓盈打扮清涼，穿著入膊露腰背心搭配長褲，抱着囝囝坐纜車期間，因太大風搞到披頭散髮，更不慎露出內衣帶，非常「捩𠾍」！

一家三口遊海洋公園。

沈卓盈抱着囝囝坐纜車期間，因太大風搞到披頭散髮，更不慎露出內衣帶。

去到海洋公園當然少不了親親小動物，沈卓盈表示：「最開心嘅係參加咗動物好友見面會，有我同Jayden最鍾意嘅海獅BB，可以近距離同佢哋影相真係好開心呀！仲睇咗熊貓、鱷魚、海龜同小王子。最後爸爸仲贏埋大獎海豚公仔一大隻，真係滿載而歸啊！」

沈卓盈大騷小蠻腰。

睇鱷魚。

睇熊貓。

睇魚。

和小王子合照。

Jayden玩得好開心。

當然小不了玩攤位遊戲。

爸爸贏了一隻大海豚公仔。

滿載而歸！

幾日後，沈卓盈又帶了囝囝去迪士尼樂園，可見她穿著波點透視上衣，頭上還戴著米妮頭箍，充滿少女味，完全不像已為人妻人母！童心未泯的沈卓盈陪囝囝坐旋轉木馬，又為囝囝拍了很多照片，更忍不住感歎：「孩子大得快，現在真的可以和他一起玩了，想玩什麼想看什麼，媽媽一定會陪伴你！」

幾日後，沈卓盈又帶囝囝去迪士尼樂園。

沈卓盈少女味爆燈！

童心未泯。

陪囝囝坐旋轉木馬。

網民大讚Jayden靚仔！

而且成長了很多！

不少網民看過沈卓盈的帖文都大讚Jayden靚仔，而且成長了很多，雖然仍未夠三歲，但已生得手長腳長，而且五官立體，眼大大又鼻高高，網民紛紛留言：「你家寶貝真的太好看了」、「小帥哥」、「好靚仔啊」、「寶寶好可愛哦！帅帅的寶寶哦」、「你囝囝好可愛」！