可能研發出新口味呢
明日中秋佳節，少不了要一家人食月餅。月餅款式大同小異，月餅撈飯你又試過未？有港爸就因為一時大懵，將女兒自製放在雪櫃的冰皮月餅，當成隔夜飯，直接放入電飯煲煮，結果一家人今年食了一餐一世難忘的冰皮月餅飯。
大懞爸爸之作冰皮月餅飯。Day Day Explode 日日爆FB
有網民在「Day Day Explode 日日爆」Facebook專頁投稿，指家中習慣將隔夜飯留下，煮飯時加熱一齊食，而平時都是爸爸負責煮飯。結果一日開飯，大家卻覺得一碗飯「甜到漏」，再看雪櫃，居然還有一碗隔夜飯。原來妹妹學做冰皮月餅迎中秋，將餅皮放入雪櫃冷藏，結果爸爸一時「眼殘」，「驟眼睇一大碗白色以為係隔夜飯，順手放入電飯煲到翻熱」。
大懞爸爸之作冰皮月餅飯。Day Day Explode 日日爆FB
妹妹花很多心機整的餅皮全部報銷，「佢嬲到傻咗，大鬧老豆點解咁大分別都睇唔到 」，但也無補於事，父親只回了一句，「點知你啫」便了事。結果網民和妹妹唯有煮麵食，爸爸出街食，只有不願浪費食物的媽媽清光剩飯。「最後我考慮緊以後都係唔好俾老豆煲飯...或者以後唔好食隔夜飯...」
帖文笑爆一眾網民，「笑到標眼水」、「一句『點知你啫』聽到人著晒」、「我建議樓主關心下令尊嘅視力狀況，會唔會係有老花唔肯戴眼鏡呀」、「不如考慮加啲芒果同椰汁扮芒果糯米飯」，而有網民的爸爸媽媽更誇張，「我媽試過將塊綠色洗鑊嘅百潔布同啲菜一齊炒」、「我老豆將我珍藏嘅Parma ham 攞咗去當金華火腿用嚟滾湯」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
