蘇麗珊同兒時偶像拍戲勁開心 黃又南透露Shine有機復合

一個做鬼，一個做神婆

因為疫情影響，由黃又南及蘇麗珊主演嘅電影《冥通銀行特約：翻生爭霸戰》押後多月終於上映，原來小時候嘅蘇麗珊係Shine迷，今次同又南合作自然心心眼，仲話好想佢同天佑合體開演唱會添！雖然天佑曾說過：「No More Shine！」，不過又南竟話：「適合時間會有！」睇嚟有轉機喎！

又南在戲中飾演廢青鬼，為盡快投胎而喺陰間發憤參加爭霸戰，其間跟靈媒蘇麗珊相遇，發展一段人鬼戀故事。演「神婆」嘅蘇麗珊諗返起都驚驚哋，因為場景有成約30枝蠟燭及神壇，玻璃樽又裝住玩具bb頭，有啲陰森恐怖感覺。又南最深刻係冇接觸感動戲：「因為我係鬼，兩個人觸碰唔到，唔會有埋身動作戲。」蘇麗珊笑說：「有啲嘢未發生先係最浪漫！」

片中兩人有感情戲，但因為人鬼殊途，所以一直保持距離。

演「神婆」嘅蘇麗珊諗返陰森恐怖嘅場景都驚驚哋。

兩年前Shine合體開完演唱會後，天佑曾說：「No More Shine」，令Fans好失望。

蘇麗珊喺又南眼中，好似可愛妹妹咁樣。

雖然近年又南冇乜唱歌，但他都經常喺屋企自彈自唱。

蘇麗珊年初喺洛杉磯進修演藝課程，希望改進演技。

蘇麗珊開心同兒時偶像拍戲，黃又南透露Shine有合體機會。

又南大讚蘇麗珊好吸引：「佢好得意，好似妹妹咁，我只有姐姐，成日想有個妹妹，我應該大佢好多。」蘇麗珊卻說：「最初圍讀時見到佢經已好粉絲，有啲緊張，唔夠膽介紹自己，好怕醜，我喺佢身上學到作為演員嘅專業態度。」又南表示近幾年可以再拍戲已好感恩，所以想再做得好啲，唔好令自己有遺憾。蘇麗珊最想Shine再開Show，又南態度變軟化冇否定合體機會：「認真講，我哋分開過又復合過，去年年頭又好似以前咁，因為冇乜火花，大家想停低落嚟。」又南又說總有合體一日，「不過暫時未係時候。」

到底蘇麗珊和羅雪妍能否行運行到尾成為「最強家事達人」？密切留意最後一集《HOME即是識》。

由森美、馮盈盈、陳若思及倪嘉雯主持的問答遊戲節目《HOME即是識》，今晚（3月13日）播出最後一集，經過前兩晚的激戰，一味靠運的蘇麗珊＋羅雪妍以5,000分遙遙領先，Cathy+柏遨以3,400分緊隨其後，黃生+黃C拉3,100分咬實唔放，Carol+Ming、Pen+Kazaf同樣獲得2,800分，艾妮+許靖韻以2,400分排包尾！

羅雪妍（左）同蘇麗珊到底可唔可以靠運氣贏到最後？

第三回合搶答題將決定出最終2個出線名額，手握5,000分的蘇麗珊＋羅雪妍「坐定粒六」殺入最終回，原本排包尾的艾妮+許靖韻頻頻發功答中問題，鬥到最後一條問題時，獲得3,900分的艾妮+許靖韻僅落後黃生+黃C拉200分，可惜最終一條問題由鐵定無緣最終回的Carol+Ming搶答成功，令到黃生+黃C拉坐享其成殺入最終回。

鬥到最後先分出勝負！

艾妮（左）同許靖韻臨尾發力都係無力回天。

蘇麗珊同羅雪妍以5,000分殺入最終回。

黃生同黃C拉實力不容忽視。

終極Battle環節非常緊張刺激，最高分的兩隊將以1 on 1形式爭奪終極獎金。終極Battle採用五盤三勝制，賽前兩隊各自挑選心儀的5個寶箱，各個寶箱內收藏了不同金額的現金，合計共4萬港元。終極Battle以一問一答形式進行，頭三個回合各以一個寶箱作「賭注」，第四回合以兩個寶箱作「賭注」，第五回合需以三個寶箱作「賭注」，換言之隨時一 鋪清袋！

最終回合係獎金爭奪戰。

合計共有40,000蚊港元現金獎。

合計共有40,000蚊港元現金獎。

比賽由較高分的一組蘇麗珊＋羅雪妍先攻，第一條問題是「以下邊種食物不應給一歲以下幼兒食用」，答案分別是A木瓜、B蜜糖、C羊肉和D 西蘭花，蘇麗珊＋羅雪妍以排除法確定是A，可惜最終答錯痛失1萬元的寶箱！之後兩隊有來有往各不相讓，靠運殺入決賽的蘇麗珊＋羅雪妍最終「重拾初心」，決定繼續靠撞彩答問題，更高呼：「相信自己嘅運氣！」到底她們能否行運行到尾成為「最強家事達人」？密切留意今晚播出的《HOME即是識》。

蘇麗珊同羅雪妍第一條就滑鐵盧。

蘇麗珊同羅雪妍第一條就滑鐵盧。

黃生同黃C拉咬晒耳仔咁。

蘇麗珊、羅雪妍高呼：「相信自己嘅運氣！」佢哋又能否笑到最後？