勁高熱量的「早餐」！
中秋剛過去不久，相信好多人屋企都仍然囤積大量月餅未食，望到咁多高熱量、食完又會飽飽滯滯嘅食物，大部分人都不知應該如何處理。不過，近日就有網民分享，指自己家中的外傭姐姐非常喜歡食月餅，某日更將半個月餅當早餐拿給她，令她哭笑不得！
資料圖片
一名女網民在社交媒體Facebook群組「外傭僱主必看新聞訊息」上載一張相片，指今年家中共有4盒月餅，只有她自己和外傭姐姐兩個人食，按比例計算的話，數目實在不少。不過該名女網民卻表示，姐姐不但沒有食厭月餅，相反是「好鍾意食」，某天更發現姐姐為她準備了一杯茶及半個月餅做早餐，令她笑指「佢應該覺得好東西應該同太太一齊分享」。只是，月餅食太多始終會肥，女網民亦有點哭笑不得地表示「月餅在姐姐眼中等於好東西 月餅在我眼中等於肥膏」。
有網民分享家中外傭某日將半個月餅當早餐拿給她，令她哭笑不得。網民KayeeIaulin Bianca圖片
有網民留言指姐姐「好可愛」，更建議樓主應該「送盒比佢同fd分享」，又有網民笑指「雇傭關係係要分甘同味㗎」。另外，亦有網民分享家中外傭姐姐也相當喜歡食月餅，「我之前個姐姐，我比左一個佢，佢當早餐食，一個一次過食晒」，非常有趣。
港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。
示意圖片
女會計師連續工作68小時，過勞暈倒送院
該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係，而患上思覺失調，指對方精神失常，經常做出種種瘋狂行為：
「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」
「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」
「有次佢腸胃炎，佢直接搬張枱同電腦，去廁所一邊屙屎一邊做嘢」
示意圖片
弟弟警世：唔好做會計
樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」
示意圖片
網民勸：辭工休息吓，再轉行
帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。
示意圖片
帖文來源：連登討論區
