簡單慶祝結婚3周年吳若希自嘲似狗狗超興奮

娛圈事

簡單慶祝結婚3周年吳若希自嘲似狗狗超興奮

2020年10月11日 11:51 最後更新：12:52

幸福。

吳若希（Jinny）經常公開談論老公何兆鴻（Alex）惡行，但這樣吵吵鬧鬧反而恩愛，還在疫情下日對夜對致再度懷孕。

疫情加上懷孕，Jinny留在家乖乖養胎已有好一段日子，難免呻悶。搞笑是前日（9日）她在社交網貼Alex的照片祝「張寶兒生日快樂」，原來同時祝她與Alex結婚3周年快樂，搞到壽星搲爆頭：「做咩鋪（Po）妳老公個樣黎（嚟）賀我」！

昨夜，Jinny貼上跟老公外出用膳照，自嘲是狗，留言：「有養過狗的人都知道，狗狗對『街』這個字超敏感，一聽到就會超興奮～早兩日，何生說今晚要帶我上街吃晚飯～我就像Honey那樣興奮了一整天！呢兩日佢叫我hand hand我都會hand hand～～」。

往下看更多文章

吳若希與老公肉緊啜囡囡面珠慶7歲生日激罕公開Giselle正面樣

2024年04月24日 20:00 最後更新：04月25日 12:01

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」