讚馬國明內斂得靚湯鍾意 苗僑偉：好登對

三哥都睇好。

苗僑偉、馬國明、黃智雯、袁偉豪、黃翠如等現身將軍澳電視城，出席大熱劇集《使徒行者3》記者會，男主角之一的林峯因身內地拍劇未有露面，他與另一要角許紹雄透過片段與觀眾見面。活動上宣佈劇集於本月12日在myTV SUPER「myTV GOLD」以及海外影視平台同步上架，翡翠台播期則稍後公佈。

三哥追問馬明點識世姪女。

使徒行者3》記者會

苗僑偉指拍這部劇齊齊經歷不同變化。

馬明在前作尾段現身，今次加入系列作沒有壓力。

馬國明同與三哥苗僑偉齊齊受訪，問是否鬥有型？馬明即笑言是跟三哥學，是「輸少當贏」。馬明在前作尾段現身，今次加入系列作沒有壓力，笑言壓力都交給拍檔林峯。問二人有否見過阿峯女兒？二人笑言有看過相片。馬明會否身痕想結婚生女？三哥即搶答說：「相信都快啦！估不到是和我世姪女（湯洛雯），大家拍這部劇齊齊經歷不同變化、有熱戀、有袁偉豪求婚、有黃翠如準備生仔，仲有秘密拍拖中添！」

林峯因身內地拍劇透過片段宣傳。

許紹雄也拍片助宣傳。

三哥全程以世姪女稱呼靚湯，令馬明無從招架。

三哥「爆料」後再追問馬明，令他無力招架。三哥說：「真係估不到你們，你同我世姪女點識？我幫岳父（湯鎮宗）問的！」見馬明被問到口啞啞，三哥笑說：「馬明好內斂，所以（湯洛雯）先鍾意佢，好登對！」提到馬明被影到睇樓，他稱只是路過，被三哥取笑不夠醒目。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。