*

曾患抑鬱Jeana鑽研佛學 唔排除會出家

相信唔少男粉絲會好傷心

Jeana(何佩瑜)最近參與ViuTV劇《熟女強人》飾演香薰治療師「Money」,周旋於吳浩康同楊天宇中間,突然發現搞出人命,要為BB搵親生老竇。現實中,31歲的Jeana坦言好恨有小朋友,就算收養都冇問題,但2018年跟導演翁子光分手後一直單身的她,反而唔急於搵新對象。5年前曾有過抑鬱日子的Jeana,仲自爆疫情下有更多時間鑽研佛學,深信因果關係,對愛情只會隨緣不會強求,採取佛系搵男友態度的她,更不排除將來有朝一日會出家。

Jeana坦承讚研佛學後,不會再執着,連睇新聞都輕鬆咗,「以前會問點解咁慘,宜家睇通晒,佢哋係因果嚟,冇辦法,控制唔到。」

在《熟女》中,Jeana為肚中BB搵親生爸爸,其中一個嫌疑人是楊天宇。

《頭條日報》獨家報道,在《熟》劇中,為腹中塊肉搵生父搞出連串笑話的Jeana,私底下竟然恨有BB,「以前都會有啲焦急嘅,以前梗係想35歲前結婚啦!但係現在真係隨緣,結唔結婚都好,小朋友我係想有㗎!因為我好鍾意小朋友,同埋我身邊真係太多人生咗小朋友,現在31歲發覺自己啲母愛好氾濫。」Jeana仲唔介意收養,「將來真係過晒生BB嘅年紀,我都會收養小朋友,都係一個緣份,或者我本身有小朋友,但遇到有緣份嘅小朋友都會收養。」

- 閱讀更多 -

往下看更多文章