好sweet啊～
風浪卡襲港，昨日（12日）在三號強風信號下，蕭正楠（Edwin）就在社交網站上載同老婆黃翠如在café撐枱腳食甜品的合照。
相中兩人甜絲絲望向鏡頭，而蕭太明顯有幸福肥，笑起來有雙下巴。Edwin還Hashtag翠如，留言：「風暴前的偷閑一刻」。
蕭生蕭太喺社交網放閃，對上一次兩公婆喺網上放閃經已係五個多月前。
近排翠如肥返少少，明顯幸福肥。
翠如之前主演嘅《那些我愛過的人》反應好，蕭正楠上載相片為她打氣說：「呢個小朋友，最近嘅電視劇表演好好，所以值得慶功。」
由於兩公婆已經很久沒在社交網站post合照，相信這張合照有特別用意，喻意兩公婆打風都打唔甩，sweet到爆！網民個個都讚蕭生蕭太「夠sweet」、「好閃」，有網民就建議「風暴後就來個翻天覆地！」
