社會事
大家又有咩策略?
百佳大抽獎設有十個名額頭獎，幸運兒一分鐘免費門市掃貨。
百佳早前公布的保就業計畫回饋方案，除了提供超過31萬份的100元百佳現金券，更設有10個名額的頭獎，幸運兒更可同時參與「一分鐘免費門市掃貨」。消息一傳開，大批網民就紛紛討論若果中獎的「掃貨策略」！
百佳設頭獎「一分鐘免費門市任掃」，網民熱議掃貨策略。資料圖片
有人在網上討論區連登以「【集思廣益】如果中咗百佳一分鐘任掃，有咩策略」為題，與大家一起討論若幸運地可參與「一分鐘免費門市掃貨」，應該先「搶」甚麼貨。
資料圖片
有不少網民都只想到要集中撲貴價紅酒，亦有人列出搶貨清單，指一定要掃日本及韓國產的提子及士多啤梨，還有帕馬火腿、雪糕、急凍海鮮以及果仁，表示「以上應該可以過千（元）」，但就畀其他網民質疑「貴食材應該收起晒」、「呢D活動一定執過哂個場 基本上唔會俾你掃哂d貴野」，變相未必能如願。
資料圖片
除了一般的食物或飲品外，亦有網民提出要去「搶」清潔用品櫃，集中剃鬚刀、牙線等貨品，指「就算賣唔番出去 又貴 又可以擺耐d」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
