*

upload_article_image

回復自由身努力造人 林師傑恨同歐陽巧瑩生B

林師傑計劃生個女。

林師傑早前宣佈回復自由身,日前他接受香港開電視主播馬梓軒專訪,分享轉型為獨立音樂人的苦與樂。他更坦言渴望成為人父,「我好想生個女呀!想咗幾年啦!之前新聞都傳過兩次我太太歐陽巧瑩懷孕,但都仲未生到,哈哈!其實造人方面一直計劃緊,個計劃從來冇停過。不過現時工作上樣樣嘢都要一腳踢,的確少咗時間陪太太。」

師傑日前他接受香港開電視主播馬梓軒專訪。

早前推出新歌《尊悲不分》的林師傑,表示歌曲早於5年前已寫好,用以記錄自己的心情和無力感,但當時未有機會推出,「當時我有將首歌畀舊公司聽,但原來我要起碼寫200首歌,先可能被揀中一首。好多人問我點解要堅持做音樂,對我嚟講其實好簡單,因為我冇得揀,呢樣係我嘅生計。而呢首歌正係表達自己嘅心情,話畀大家知我當時心情有幾咁沉重!」

- 閱讀更多 -

往下看更多文章