重新出發?
朱智賢於今年4月被踢爆背着男友謝東閔,與人夫黎振燁與荒野偷食,形象插水即時被TVB雪藏。然而事關她仍有三部劇集在手,最近開始為復出探路。前天(12日)她於YouTube上載了一條行山短片,似乎想開發Youtuber路線。
原本朱智賢正於TVB上位,同時亦與謝東閔拍拖,雙方更到談婚論嫁的地步。然而於4月朱智賢於拍攝劇集《食腦喪B》與有夫之婦黎振燁偷食,其後朱智賢於謝東閔陪同下公開道歉,表示因為入戲太深無法抽離之故而與人夫偷食。
朱智賢轉型Youtuber的頭炮作品以「朱遊記」為題,第一條片就挑戰「香港三尖」之一的青山,在片中見到她一身運動裝束爬上無數梯級,她更向觀眾大方分享靚位方便打卡自拍。
於片段的尾聲更以行山比喻人生:「每次行山見到啲路好崎嶇其實都會驚架,但係我成日覺得行山同人生好似,你見到條路好難行,但係當你行過咗之後就會覺得好神奇,又過咗關。所以啲人就話,關關難過關關過,係講得好啱。你專注係眼前步伐,逐步逐步咁嚟,咁之後就會過咗個難關,呢個係我嘅一啲體會啦。」
不過觀眾仍然不太受落,留言重提舊事,其中有人問:「點解做人小三(第三者)呀?」朱智賢竟然親自答覆:「點解要留言呀,明明自己乜都唔知。」其後繼續有不少人留言狙擊,但她就沒有再理會。
觀看相關影片按以上畫面。