Ian坦言有機會也想出埠拍劇
男團MIRROR成員陳卓賢(Ian)到銅鑼灣出席慈善活動,吸引近百Fans捧場,部份更身穿校服,人氣高企!Ian透露為新劇《無限斜棟有限公司》拍通宵,昨午2時拍到今早11時,笑言愈不夠瞓愈精神。他笑說:「第一次看到通告寫35收工,好似一日有50小時一樣!」
Ian獲大批粉絲到場支持。
Ian與年幼粉絲擊掌。
Ian表示螢幕初吻已獻給盧慧敏(Amy),起初相當尷尬,但拍了6、7 Takes後便放鬆心情,最終也拍了十幾廿Takes,笑認是導演明益他。他說:「劇情講我霸道地拉住Amy咀嘴,幾激吓,大家事前有刷牙及漱口,食飯也不敢吃濃味食物,以免留下不好印象啦!(享受拍咀戲?)都是工作囉!一向較少女性朋友,又讀男校,比較怕醜呢!」
Ian話姜濤他們在台灣拍劇有思鄉病。
Ian
笑問會否羨慕姜濤在台灣拍劇時食玩買?Ian直言有機會也想出埠拍劇,但他們也有思鄉病,他私下也有跟姜濤互說想念,但不是HeHe感覺,只是兄弟Feel。另談到《男排女將》將對撼無綫重頭劇《使徒行者3》,Ian不敢與前輩比較,只望觀眾對新演員的演技有正評,以及再帶起排球熱潮,又趁機祝女主角鄧麗欣生日快樂。
MIRROR衝出香港。
MIRROR前晚(11日)抵達紐約為今日(13日)在UBS Arena舉行的巡唱作準備,騷前12子更應當地FOX及CNN電視台邀請接受訪問,共由Anson Lo、Ian陳卓賢及「大表哥」Stanely邱士縉全程用流利英語回答。
MIRROR前晚抵達紐約,大批粉絲應援偶像
MIRROR亦到CNN接受訪問
於FOX 《Good Day New York》7分鐘的訪問環節內,前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時,Anson Lo先表示感受到粉絲對他們的支持,令他們感到非常溫暖同被愛戴,意想不到地見到咁多鏡粉接機。而當主持問及有無四圍行或者食下Pizza,Ian就話只是剛下機,睡了兩小時便急不及待到FOX接受訪問。被問到想跟誰人合作?邱士縉Stanley表示:「一定係Dame D.O.L.L.A,我哋都超級興奮,因為部份成員都係NBA球星嘅擁躉,所以能夠同Dame合作,係莫大嘅榮幸。」
前半段先表演新歌《DAY 0》
Stanley表示最想同Dame D.O.L.L.A合作
Anson Lo全程流利英語回答
Ian 都係英文擔當之一
大表哥英文都幾好
有網民睇完訪問指對MIRROR另眼相看:「嘩!衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。
事後,12子表示感到非常榮幸可以接受FOX《Good Day New York》訪問,而Anson Lo更表示「好奇妙」,「我哋以MIRROR呢個身份見識咗好多,特別係紐約,因為呢個地方真係好大,更加令我哋覺得自己好渺小,所以呢個係好好嘅第一步,令我哋更加有動力繼續前進。」而Edan亦說:「因為喺一個唔係自己熟悉嘅地方,然後要表演,仲要接受英文訪問,大家都好緊張呢次表演同訪談,但我覺得大家都好盡力做到最好。好開心有咁嘅機會,希望未來有更加多咁嘅機會。」