Skip to Content Facebook Feature Image

彌補對愛妻遺憾 周柏豪明年抱囡囡陪太太再著婚紗

娛圈事

彌補對愛妻遺憾 周柏豪明年抱囡囡陪太太再著婚紗
娛圈事

娛圈事

彌補對愛妻遺憾 周柏豪明年抱囡囡陪太太再著婚紗

2020年10月17日 23:32 最後更新:23:33

「愛妻號」好老公。

周柏豪受訪港台節目《舊日的足跡》,自爆18歲那年因滿面爆瘡失去模特兒工作,擁有七級鋼琴造詣的他,當年也就加入著名音樂創作人陳光榮的錄音室當義務工程師。柏豪憶述:「第一個星期我遇上容祖兒嚟錄音,我幫佢斟水、抹咪、搬櫈,佢當然唔識我,我亦都冇自信,唔敢望佢,到依家我都唔敢話畀佢聽。我最開心見到鄭伊健哥哥,佢係我超級偶像,我會偷偷地望佢,偷聽佢唱歌,當時水機換水、洗廁所、叫外賣通通由我包辦,我好自豪我係『叫外賣專家』,七八個人,每日三餐,我全部叫啱,原來聽人講嘢,係要用個心去聽,先至唔會錯!」

周柏豪第一個低潮期,可以為鄭伊健、容祖兒斟茶遞水,也是美好回憶。

周柏豪第一個低潮期,可以為鄭伊健、容祖兒斟茶遞水,也是美好回憶。

暗瘡期的柏豪遇上了他現今的太太朱小姐並展開追求,當年他為保護女友可以去到好盡:「我哋冇資格豪食、豪飲、豪住,初期好多時都係由佢(朱小姐)埋單,佢從來唔介意,所以如果歌迷唔接受我結婚,我唔會在乎冇咗份工,因為我好愛呢個女人!十年來我冇公開拖過佢隻手,我哋淨係買外賣返屋企食,因為(咁樣就)唔會驚,好安全。最驚嗰次都係2016年帶住隻求婚戒指去富士山向佢求婚,我偷咗佢隻戒指去度size,最驚過關嘅時候俾人查出,如果申報又怕俾佢發現,於是我話不如我哋兩個分開行(過關)。海關(關員)問我隻戒指係乜嘢?我話用嚟求婚,佢講咗啲嘢,我唔知道係乜,佢冇沒收,可能佢係祝福我!情人節嗰日求婚成功之後,天上竟然出現一道彩虹,我知道係上天對我嘅祝福。」

周柏豪現在有女萬事足。

周柏豪現在有女萬事足。

周柏豪可以抱囡囡拍MV,又計劃明年與太太試婚紗作補償,生活愜意。

周柏豪可以抱囡囡拍MV,又計劃明年與太太試婚紗作補償,生活愜意。

不經已流露浪漫天性的柏豪亦坦言,希望彌補對愛妻的遺憾:「如果人生可以返轉頭,我希望填補一個遺憾,就係因為我哋怕結婚消息通天,我冇喺佢試婚紗嘅時候陪住佢,為佢拉拉鏈,再聽佢問我『我靚唔靚?』,然後我再答佢『你係最靚』呢個環節……不過我哋已經結婚4年喇,出年第5年,我會做一件事,就係抱住囡囡陪太太再穿婚紗,同佢拉拉鏈,補返同佢講嗰句佢係最靚嘅!」

周柏豪。

周柏豪。

柏豪形容疫情下與初生女兒相處時間多了,是千載難逢的緣份,他更笑言「重金禮聘」4個月大的囡囡在新作品《劫後餘生》MV中亮相:「哈!佢(囡囡)嘅報酬係兩粒餅仔,(囡囡出現)一兩個鏡頭無傷大雅,呢個亦係我同囡囡嘅一個記錄。MV係喺我家屋企拍攝,全屋都係人,佢好興奮冇瞓晏覺!依家我唔會應酬,完成外面嘅工作第一時間會返屋企湊女,我希望再多生兩個,先嚟一個仔,湊夠一個好字!當然我都會繼續努力工作,我嘅目標係將每一個範疇都做到最好,如果大家認為「天王」係(娛樂圈)最高級別,我希望自己能夠達到呢個級別!」

往下看更多文章

周柏豪罕晒2歲兒子相片 身高1.1米

2024年03月24日 21:30 最後更新:23:51

周柏豪囝囝好高呀!

周柏豪近年主力在內地發展,並因多個內地綜藝節目《聲生不息》、《披荊斬棘2》、《大灣仔的夜2》而在內地爆紅,一向著重家庭的周柏豪盡量抽空陪伴兩名孩子,昨日(23日)周柏豪罕有分享囝囝的照片,指2歲囝囝已有1.1米高,比同齡孩子長得高。

周柏豪經常中港兩邊走工作

周柏豪經常中港兩邊走工作

周柏豪一有時間就有仔女去玩

周柏豪一有時間就有仔女去玩

周柏豪分享囝囝的照片中,囝囝穿上一套消防員裝,雖見不到囝囝正面,但足見手長腳長,似足爸爸。周柏豪在IG有感而發留言:「我家有位消防員,雖然屁股很大,身高只有1.1米,但仍然是很盡責、很英勇、很威風的。當我每次『跌倒』,每次我需要被『Rescue』,他都會堅持全套裝備行動,可能最後都只是得到『扶一下』的拯救,或者一張卡通膠布就完事,但看著這位消防員的成長和進步,很需要被Rescue的我,就會充滿動力和安全感。」

2歲囝囝一米一高

2歲囝囝一米一高

囝囝去拯救爸爸

囝囝去拯救爸爸

可愛的為爸爸貼上膠布

可愛的為爸爸貼上膠布

網民留言指﹕「超高啦米一」,亦帶不少網民讚「好可愛」。

你 或 有 興 趣 的 文 章