有女萬事足！
「劫後餘生，多一種愛在心」。周柏豪在人生中遇上低谷，情緒飽受困擾，令他步出陰霾，重新堅強振作，正是囡囡周芯悅（Sonya），「係個女拯救咗我」！
點擊看圖輯
有女萬事足！
周柏豪最近推出新歌《劫後餘生》，他曾形容新歌面世的一刻，情緒崩潰，甚至飲泣；原來這首歌不單止是柏豪相隔近兩年再度出歌，更在這段時間遇上了兩個極大的人生轉捩點。
「當時發生咗好多事令情緒困擾，有工作上的挫折、疫症、更有多位朋友和家人身體不適及離開；加上社會運動令各行各業受影響，原本做得開開心心的幕前工作突然變真空，進入了無法預知的未來。還有網上受到的抨擊，令我不懂適應新的社交媒體模式，事關講一句說話、貼一張相，都會引起好大迴響，好似企又被鬧、坐又被鬧、瞓低又鬧、出現又鬧、唔出現都畀人鬧！那段時間好恐慌，做任何事都有負面聲音，講到要毁滅我、對付我……，就算我點堅強，但我始終係一個有感受的人，都會驚，唔知點算，會想到出街會唔會有危險？屋企人出街又會唔會有危險？之後會點？愈想愈多，甚至乎不懂表達自己，唯有自己消失，湊巧那段時間太太有BB，索性留家照顧太太，算係人生幾大的轉捩點。
「直至囡囡出世成為另一個轉捩點，突然發覺只要有屋企人、尤其有太太和個女，所有事都不用再擔心，現在任何事都會以囡囡出發，反而處於非常舒服和放心的狀態，因為想擁有的已擁有了，最重要係一直努力給囡囡有個適合環境成長。囡囡的出世，成為了拯救爸爸的一個天使，因為有了責任，我務必要給她最好，包括最好的爸爸、最好的自己，才可以教會她堅強，所以係囡囡拯救咗我！最近我看到一篇文章感受好深，小時候係由爸爸帶個女去看世界，但其實個女嘅成長和小宇宙才是爸爸的未來和全世界，所以我唔會再消極，只會向更堅強、更好的將來進發。
「通常我把家人放幕後，再用夾萬鎖住，而新歌MV會突然讓囡囡出鏡，因MV導演想表達究竟一個災難或劫後，餘下來的生命會如何？除了我們，我們的下一代和後代其實都係餘生，因此想用BB代表小生命，便提議想搵囡囡。一開始我都有抗拒，導演話剩係手腳意識形態和側面，影唔到樣；既然在保護到囡囡的情況下，對我而言亦是個好的記錄，因歌曲講述我自己怎樣從劫後重新站起，如果用自己個女，成件事就完整好多，她長大後睇到，亦知道爸爸原來因為擁有她而變得更堅強。我亦好鍾意囡囡在爸爸身上好舒服好有安全感下瞓着的一幕；而今次仲係俾咗兩粒餅仔、重金禮聘囡囡出鏡㗎。」
當上幸福人爸，柏豪已預計自己將會是麻辣外父；「個女20歲先可以識男仔！我真係有想過將來個女被男仔追會點，特別係有啲衰朋友成日嚇我，話有咁多女粉絲鍾意我，現在自己有個女，點都要『還』；但無計，小朋友都係要成長，所以談戀愛無問題，但要戴眼識人，同埋要俾爸爸我望一望……。不過諗起都大件事，唔知點算，我應該係麻辣外父果類！」
柏豪如今榮升幸福人爸，有女萬事足。
周柏豪自言經歷了人生低潮，終於捱過了，可以重新出發。
周柏豪最近推出新歌《劫後餘生》，他曾形容新歌面世的一刻，情緒崩潰，甚至飲泣；原來這首歌不單止是柏豪相隔近兩年再度出歌，更在這段時間遇上了兩個極大的人生轉捩點。
「這首歌係記錄我在一段頗長時間處於崩緊和恐慌的狀態中，情緒一直有狀況，因那段時間經歷了好多的高低、跌倒、站起、再跌倒，百般滋味在心頭。現在渡過了，叫做能夠企番起身，再做一個應有的周柏豪，希望藉以鼓勵跟我一樣，在人生道路碰上困難的人，能樂觀堅強面對；謹記只要有愛我們的人在身邊，可以攬着他們，種種事情都會過去，不用再驚。
回看一切，周柏豪坦言令他更樂觀堅強面對未來。
「當時發生咗好多事令情緒困擾，有工作上的挫折、疫症、更有多位朋友和家人身體不適及離開；加上社會運動令各行各業受影響，原本做得開開心心的幕前工作突然變真空，進入了無法預知的未來。還有網上受到的抨擊，令我不懂適應新的社交媒體模式，事關講一句說話、貼一張相，都會引起好大迴響，好似企又被鬧、坐又被鬧、瞓低又鬧、出現又鬧、唔出現都畀人鬧！那段時間好恐慌，做任何事都有負面聲音，講到要毁滅我、對付我……，就算我點堅強，但我始終係一個有感受的人，都會驚，唔知點算，會想到出街會唔會有危險？屋企人出街又會唔會有危險？之後會點？愈想愈多，甚至乎不懂表達自己，唯有自己消失，湊巧那段時間太太有BB，索性留家照顧太太，算係人生幾大的轉捩點。
在新歌《劫後餘生》中，周柏豪正正道出自己的真實經歷。
「直至囡囡出世成為另一個轉捩點，突然發覺只要有屋企人、尤其有太太和個女，所有事都不用再擔心，現在任何事都會以囡囡出發，反而處於非常舒服和放心的狀態，因為想擁有的已擁有了，最重要係一直努力給囡囡有個適合環境成長。囡囡的出世，成為了拯救爸爸的一個天使，因為有了責任，我務必要給她最好，包括最好的爸爸、最好的自己，才可以教會她堅強，所以係囡囡拯救咗我！最近我看到一篇文章感受好深，小時候係由爸爸帶個女去看世界，但其實個女嘅成長和小宇宙才是爸爸的未來和全世界，所以我唔會再消極，只會向更堅強、更好的將來進發。
在MV中，周柏豪的小女兒也上鏡了。
「通常我把家人放幕後，再用夾萬鎖住，而新歌MV會突然讓囡囡出鏡，因MV導演想表達究竟一個災難或劫後，餘下來的生命會如何？除了我們，我們的下一代和後代其實都係餘生，因此想用BB代表小生命，便提議想搵囡囡。一開始我都有抗拒，導演話剩係手腳意識形態和側面，影唔到樣；既然在保護到囡囡的情況下，對我而言亦是個好的記錄，因歌曲講述我自己怎樣從劫後重新站起，如果用自己個女，成件事就完整好多，她長大後睇到，亦知道爸爸原來因為擁有她而變得更堅強。我亦好鍾意囡囡在爸爸身上好舒服好有安全感下瞓着的一幕；而今次仲係俾咗兩粒餅仔、重金禮聘囡囡出鏡㗎。」
柏豪直言有了女兒之後，也從低谷中拯救了他。
當上幸福人爸，柏豪已預計自己將會是麻辣外父；「個女20歲先可以識男仔！我真係有想過將來個女被男仔追會點，特別係有啲衰朋友成日嚇我，話有咁多女粉絲鍾意我，現在自己有個女，點都要『還』；但無計，小朋友都係要成長，所以談戀愛無問題，但要戴眼識人，同埋要俾爸爸我望一望……。不過諗起都大件事，唔知點算，我應該係麻辣外父果類！」
柏豪近年甚少出歌，《劫後餘生》是他的重點之作，剛推出心情緊張。
柏豪如今榮升幸福人爸，有女萬事足。
雖然有女萬事足，但柏豪表示萬事以太太Stephanie為大！「太太要照顧BB，所以我一定會先顧及太太的感受；我仲試過呷個女醋，同太太講，『你依家剩係攬住個女喇』！（好耐無俾太太攬過？）咁又唔係，但我一向嚮屋企都係做慣主角、有射燈射住，突然變配角，難免有啲難受，不過我絕對甘心！依家屋企只有太太一個主角，個女都暫時係配角，因為仲未識聽，哈哈！」
