處男拍戲上晒癮返唔到轉頭 ERROR自誇好多搞笑Idea

希望有金主支持咁話

男子組合ERROR雖然行搞笑騎呢路線，但沒什麼人爭飯食，就算在疫情下都有廣告拍，成功殺出一條新血路。而最近上映的電影《冥通銀行特約：翻生爭霸戰》是ERROR處男作，片中飾演「陰間攝製隊」，雖然戲份不多，但相當搶戲，193還笑言：「拍完電影後好似『升呢』電影明星。」肥仔認同話：「我哋返唔到轉頭！」

ERROR拍處男戲《翻生爭霸戰》拍到上晒癮。

電影《冥通銀行特約：翻生爭霸戰》是ERROR出道僅3個月時的作品，首次拍戲的4人超級開心，保錡更說：「希望有更多人搵我哋casting，唔使casting都得，我哋可以直接入戲。」

ERROR在疫情下反而有廣告接，收入還可以維持到生活。

193同《頭條新聞》講，就算客串拍《翻生》，背後付出好多：「我哋對足10幾個鐘頭戲，諗住一roll機可以即嚟，只可惜第一日開工因為天雨，等足8個鐘最後取消。」肥仔話，在等待期間我們試了幾個不同演出版本畀導演揀，希望展現到4人的不同風格，點知導演不接納，最後只是出得十多秒！阿Dee笑言不緊要：「今次學識咗喺片場，每秒都係錢嚟，要尊重規則，一埋位就準備充足可以演出。」

《翻生爭霸戰》係ERROR處男作，片中飾演「陰間攝製隊」，搞鬼得嚟相當搶戲。

保錡有不少做特約演員經驗，拍戲對他來說沒有難度。

ERROR有不少節目做，今年6月時拍過ViuTV的《ERROR自救TV》。

保錡入ERROR前演過超多黑社會戲的「茄哩啡」。

去年曾在旺角開Show全場滿座，4子都有一班fans㗎！

ERROR之前扮台灣F4宣傳新歌《我們很帥》。

為什麼找ERROR做串星？保錡嘗試揭開迷思：「導演話睇完我哋嘅牙膏廣告，聽聞我哋係有名嘅YouTuber，但我哋唔敢認呀…其實我出道前經已有戲拍，尤其演超多黑社會『茄哩啡』，因為係金毛，命中機會好高，特約演員有800蚊酬勞，《鴨王2》入面我做Bartender要衝出去打人；而阿Dee都拍過《鴨王》、《同囚》等，《鴨王》中佢做主角嘅好朋友，好似傻仔咁俾人打！」阿Dee接住說：「其實我同保錡可以擔正黑社會戲。」保錡提議再有機會拍戲嘅話，可以開套「ERROR日記」，一定做到低budget，高收視：「好似多年前由黃霑做VO嘅記錄片《大鹹濕》咁，我哋可以翻拍真人Show《大ERROR》，錄影我哋嘅私生活。」阿Dee卻不同意：「我偏向拍古裝，好似現代金裝四大才子咁，拍我哋4個點樣去搵大錢？希望金主畀600萬支持我哋開呢套戲。」保錡卻一嘢打沉他說：「有600萬嘅話我折現算嘞。」

Dee哥遭現場一眾女士冷落！

ERROR成員何啟華（Dee哥）與近月在網上爆紅、被封為「真人版王子」的19歲主題樂園員工Santi，一同為食肆拍攝宣傳片。Dee哥雖然擁有不少粉絲，卻不敵Santi的魅力，慘被現場一眾女士冷落。

何啟華（Dee哥）與近月在網上爆紅、被封為「真人版王子」的19歲主題樂園員工Santi一同拍廣告。

Dee哥透露隊友梁業（肥仔）是「食神隊長」。

Santi首次於鏡頭前演戲。

Dee哥透露隊友梁業（肥仔）是「食神隊長」︰「平時ERROR飯局一定由肥仔話事，因為他是食神，對美食相當執著。若我們挑選了一間他覺得不好吃的餐廳，肥仔會立即拍拍屁股離開。」談到首次合作的Santi，Dee哥有讚無彈︰「想不到Santi只得19歲﹗他的領悟力很高，而且有鏡頭觸覺，性格相當有趣，熱衷分享，真的年輕有為，前途無可限量。」

Santi真係好靚仔！

Dee哥遭兜巴星嗌爽。

首次於鏡頭前演戲的Santi對拍攝過程十分好奇，他說︰「多謝Dee哥的照顧及提點，他是一位很好的前輩，而且相當搞笑。雖然我們的語言不算相通，但單是身體語言與眼神已令我笑不停。」談到被封為「真人版王子」及被指酷似男團P1X3L成員歐鎮灝（George），Santi說︰「多謝大家抬舉，其實我只是長得順眼而已，王子則太浮誇了。大家說我長得像George，我便去找尋他的社交平台，發現他比我好看多了，而且能歌善舞，所以我也會努力自我增值，先學好中文，學好廣東話與普通話，希望增強語文能力跟大家溝通。」

Dee哥不敵Santi的魅力，慘被現場一眾女士冷落。

畀Santi搶晒Fo！