外傭姐姐原來在家鄉當老師。
要請到一位負責任的外傭姐姐並不容易，更難得是遇到對小朋友有心的外傭姐姐。一位港媽近日在社交網站分享，指自己十分幸運地聘請到一個有愛心的外傭姐姐，不但平常會在家裡畫不同的圖案讓小朋友填色，亦會教育小朋友不少做人道理，讓人羨慕不已。
「外傭僱主必看新聞訊息」facebook相片
一名港媽近日在facebook群組「外傭僱主必看新聞訊息」發帖，亮出兩張由外傭姐姐所繪畫填色圖案，港媽指出，外傭姐姐平常會在家裡畫畫教小朋友學英文，亦會畫好英文字母的模型讓小朋友填色，非常用心。從相片可見，外傭姐姐將英文字母畫成趣怪的字體，又為字母加上眼睛的圖案，更在字母旁邊畫上該字母可衍生的英文單詞圖案，讓小朋友可以在填色時，順便學習英文詞彙。
港媽透露，這位外傭姐姐來自印尼，在其家鄉亦曾任老師，故此很懂得如何教育小朋友。平常若小朋友做錯事，都會教小朋友第一時間要道歉。港媽又讚外傭姐姐十分有禮貌和樂於助人，並憶述前幾天和外傭姐姐外出，外傭姐姐突然間自己走上前，原來前面有一位婆婆掉了一張100元紙幣在地上，外傭姐姐是特登行快幾步為婆婆拾起紙幣。
港媽又分享表示，自己亦曾聘請不好的外傭，上一任外傭姐姐是一個機不離手的「黑面神」，頭兩位聘請的外傭都是做了兩三個月並將其解僱。而現時這位外傭姐姐暫時都好乖，未有黑面過，故此有感能遇到這位外傭姐姐十分幸運。
「外傭僱主必看新聞訊息」facebook相片
外傭姐姐至今在港媽家工作了8個月，港媽慨嘆「總算都請到個正常仲好有愛心耐心的姐姐！」讓網民十分羨慕，紛紛讚好姐姐的畫功，留言指見到「真係嘩嘩聲」，又有網民表示，自己會跟著這位外傭姐姐的範本畫畫讓小朋友填色。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
