*

文王卦 占失物 Steven

大家好,同大家分享一支占失物既文王卦。話說我有一份公司文件唔見咗。搵咗幾日,成個辦公室搵過都搵唔到。某日諗到不如占支卦睇下可以喺邊到搵得返,即刻攞個龜殼出黎搖卦。

89B7CFF7-256F-46DC-A5B4-15F56411528D
搖到本卦雷水解,變卦坎為水。以父母爻為用神。 先睇父母子水,係伏神,即係喱埋咗,唔會喺容易見到既地方。飛神入墓於日,令伏神成功出伏,雖然受日子剋,幸好有月份通關,表示酉月有機會搵到。加上我占卦既時間係下晝4點申時,填實官鬼空亡生旺父母子水,搵到機會大增。


二爻為世爻持青龍財辰土,貼住用神,意味著份文件其實喺我附近。辰土為水既墓,雖然學理上初爻既伏神唔會入二爻既墓,但都算係有個象顯示份文件最終會到返我手。


廿四山壬子癸屬於北方,我工作枱下面個三桶櫃咁啱就喺我座位既北面,但係明明我之前已經逐個櫃桶搵過,無喺入面架噃。


再睇下支卦,用神喺初爻,成支卦既最底層,又伏住,會唔會跌咗落櫃桶底呢? 於是我把心一橫將三個櫃桶抽晒出黎,當刻就搵到啦!果然係喺櫃桶底!太好了!


下次大家唔見咗野,除咗「夠薑由佢唔好搵,等佢自己慢慢浦返出黎」之外,不妨試下占支卦,好靈擎架!

香港兔蘆術數學會

** 博客文章文責自負,不代表本公司立場 **

美國的真實圖景

  美國首席傳染病專家,擔任美國國家過敏症與傳染病研究所所 ...