好姊妹陪打耳窿 壽星女陳瀅感動爆喊

意義非凡！

陳瀅昨日（22/10）31歲生日，好姊妹何雁詩、蔡思貝、吳嘉熙、陳嘉寶及賴慰玲酒店開房齊齊幫她慶祝，待嫁新娘何雁詩更祝「全世界最靚女神」陳瀅早日結婚，留言謂一班靚女昨晚齊齊穿耳，代表友誼永固，是她參加過最痛的生日派對；壽星女陳瀅亦謂非常難忘兼意義非凡！

陳嘉寶晒穿耳照。

蔡思貝上載眾人捱痛打耳窿片段，留言稱她們一直夢想一起做很多事情，實際上很難全部做到，但現在她們至少做了一項；打耳窿時表現最鎮靜的思貝，打完卻落淚稱很感動；陳瀅最後穿耳，亦爆喊說大家陪她一齊好感動，卻被何雁詩取笑：「你鼻哥窿反晒出嚟啦！」

何雁詩打耳骨睇見都痛。

陳嘉寶亦發文：「為了我們疼愛的妳，我們願意邊愛邊痛！生日快樂，天天快樂」。

蔡思貝兩耳一齊打最鎮靜，但打完因感動滴淚。

陳嘉寶、吳嘉熙、賴慰玲、蔡思貝、何雁詩齊為陳瀅慶生。

方力申在相中，但陳瀅沒標註他。

陳瀅31歲生日，眾好姊妹為她慶生陪她穿耳環，令她感動到喊。

陳瀅又在限時動態上載一系列慶祝照片，包括曾約她單獨食飯，似乎有意追求的方力申也同場；及曾傳不和的劉佩玥幫她慶祝，以行動粉碎傳聞。

吳嘉禧表示：「我係唔post正常相」。

娛樂圈中有很多不同的「閨密團」，陳瀅、賴慰玲、陳嘉寶與前Super Girls成員吳嘉禧（Cheronna）就因拍攝TVB劇集《女人俱樂部》成為好姊妹，其後再加上蔡思貝及何雁詩，六人組成閨密團「SÏXTERS」，以往經常聚會，感情相當好！不過，陳瀅近年經常四圍飛，多次缺席姊妹聚會，在今個農曆新年終於歸隊，合體團拜，但吳嘉禧近日貼出的合照卻嚇親網民。

陳瀅、賴慰玲、陳嘉寶、吳嘉禧、蔡思貝及何雁詩組成閨密團「SÏXTERS」

曾一同為何雁詩經婚擔任姊妹團。

大時大節都會聚會。

但對上一次齊人已是2021年的聖誕節。

陳瀅近年經常四圍飛，所以多次缺席姊妹聚會。

去年農曆新年六缺一。

吳嘉禧在IG分享SÏXTERS的姊妹賀年合照，但第一張相就見桃花上掛着六人的「人頭」，賀年照瞬間變成恐怖片畫面，吳嘉熙留言解釋：「實6個一齊影相最麻煩就係要執相，但係呢，你執相中途又要睇下個group會唔會send張update嘅版本出嚟，如果唔係你又要由頭開始，我就係冇中途睇
結果我就執咗幾次，咁啱幾次都係我，仲要張update唔係執個人，係執啲花，吹脹。故事教訓，執相前、中、後都要留意個group，否則前功盡廢，龍年希望大家唔洗成日執相，因為大家會好靚#我係唔post正常相#圖一圖二係我發脾氣之作#圖三係鄭太之作」。

SÏXTERS終於齊人！

有啲恐怖就有啲好笑。

吳嘉禧話呢張係鄭太何雁詩之作。

不少網民看過影片都被吳嘉禧的惡搞之作逗笑，紛紛留：「發脾氣執都咁靚，點㗎啫！新年快樂！開開心心」、「第一張心諗：做咩事棵花咁恐怖，但係cute嘅。like hashtag #我係唔post正常相」、「呢個layout ok！」