社會事
做人最緊要心安理得！
搭交通工具遺失手機可謂令人焦頭爛額，日前有外藉乘客就不慎遺留電話在的士上，幸好好心的士司機路不拾遺，將手機交回乘客，而由於電話已無電，司機更幫忙叉電以便聯絡手機失主。這名司機表示，「我哋嘅職業係的士司機，唔係賊！唔需要偷呃拐騙，只需要用自己嘅時間丶努力丶認知，去做正當生意！」
的士司機資訊網 Taxi FB
有的士司機在Facebook群組「的士司機資訊網 taxi」分享指，遇到一位大頭蝦的外籍乘客，「呢位乘客，你好彩，漏低部電話仲要冇哂電，幫你叉返著再等你call！仲要揸車送返你」。乘客為了感謝好心司機，也主動給了他100元，不過司機表示「做人心安理得，那怕個客1蚊都唔俾」。
外籍乘客遺留電話，好心司機物歸原主（示意圖）。資料圖片
帖文獲大批網民「派like」，紛紛讚他是良心司機和業界榜樣，不過，有網民教路「自己用啦 !先達俾錢人幫你洗機就得」，的士司機也立即回應指「只能講句：我唔同意囉」，他又籲各位同行要用自己的能力去做正當生意，「我哋嘅職業係的士司機，唔係賊！」
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
