社會事
「唔係俾工人瞓呀？我唔係好信放雜物」
本港素來寸金尺土，不少人住屋環境狹窄，擺放雜物的空間亦不足。有村屋住戶近日就在社交網站發文，分享自己訂做一個高架床擺放在村屋樓梯間，用作放置雜物，不過帖文引起一眾網民留言質疑是「工人房」。
淘寶開心share fb圖片。
樓主在社交網站「淘寶開心share」發文，指自己在淘寶訂做一個高180厘米的高架床，放置在村屋樓梯間，用作放置雜物，而高架床的梯級在不使用時會取走，形容「從此我家多了100呎迷你倉放雜物」，又稱日後會訂伸縮棒及窗簾。根據其上傳的照片可見，高架床被放在樓梯轉角位置，木板床上放有一張蓆，形成一個「小閣樓」。下方則擺有雜物及一張矮櫈。
帖文引起不少網民熱論，有人大讚樓主有創意，善用空間；不過亦有不少網民留言質疑樓主是用作工人房，認為空間狹窄，「唔係俾工人瞓呀？我唔係好信放雜物」、「我隔離屋真係整咗張床係樓梯俾工人瞓」、「一個轉身，跌死」、「上天台嘅一段，有兩層樓高，即是16呎高，瞓就唔好啦，當閣仔就平過搵人整就真」。有網民則為樓主抱不平，稱「人哋講明攞雜物，啲酸民又話人瞓工人」。
港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。
示意圖片
女會計師連續工作68小時，過勞暈倒送院
該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係，而患上思覺失調，指對方精神失常，經常做出種種瘋狂行為：
「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」
「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」
「有次佢腸胃炎，佢直接搬張枱同電腦，去廁所一邊屙屎一邊做嘢」
示意圖片
弟弟警世：唔好做會計
樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」
示意圖片
網民勸：辭工休息吓，再轉行
帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。
示意圖片
帖文來源：連登討論區
