馮盈盈約麥明詩食蟹宴飲到面紅

一眾粉絲見到兩位女神合體都好開心。

自從今年5月爆出「富豪船P」羅生門事件後，馮盈盈和江嘉敏似乎已變成「過氣閨密」，兩人IG都再冇Po過一齊Afternoon Tea、食飯的打卡照，仲開始各自另覓新玩伴與飯腳。而近期扮晒美劇《Emily in Paris》主角Lily Collins，日日於IG晒各式戴畫家帽造型照的盈盈，相隔多月，終於貼出私下約友人食飯的合照了！而今次就有一齊主持《#後生仔傾吓偈》、《荷蘭好玩》的好拍檔麥明詩（Louisa）陪食大閘蟹，相中面都紅晒的盈盈估計飲咗啲酒，Louisa都留言笑道：「@crystalfyy 你好似有啲紅wor～」盈盈識做表示：「見到你嘛#longtimenosee」一眾粉絲見到兩位女神合體都好開心。

盈盈約Louisa擦蟹飲到紅都面晒。

麥明詩

盈盈近期中晒「劇毒」，狂扮美劇《Emily in Paris》主角Lily Collins。

「過氣閨密」馮盈盈和江嘉敏此情不再。

另外都有不少眼利網民放錯重點，留意到箍緊牙的Louisa門牙有古怪：「門牙分開咗嘅？」、「嘩，做咩對牙有隙」、「Louisa講真㗎，請你整靚番棚牙，好嗎？太容易睇到，太核突喇！」

馮盈盈成功轉型。

前港姐馮盈盈曾因主持節目《後生仔傾下計》因言論大膽出位而被封「性博士」，近年重返校園攻讀碩士的她，畢業後，連IG都轉埋方向，近日頻頻出正能量片，轉做人生導師。

以前的馮盈盈以po靚相為主

近年重返校園

有網民大讚盈盈愈嚟愈有內涵，但亦有網民睇唔慣，指「成個IG好似scam（騙案）」，不過馮盈盈回覆傳媒時指，有不少同學仔希望她能拍片分享學習心得和時間管理技巧，而且她發現近年社會上有不少負面新聞，希望可以製作一些內容去散播正能量，為大家打氣。

網民大讚盈盈有知性美

見盈盈IG內容，有時間管理、讀書技巧、 如何創造頂級思維等影片分享。馮盈盈在片中分享後，亦吸引不少網民留言分享自己的方法發意見，創造了IG知識型空間。盈盈又說﹕「未來我會繼續進修增值自己，並與大家多作分享。」

近日IG狂出正能量短片

近日IG狂出正能量短片