露營客湧塔門亂拋垃圾 義工：牛先係原居民

塔門近日出現「密集式露營」。

適逢多日假期，不少港人因無法出外旅遊而選擇到郊外放鬆。有照顧牛隻的義工在網上發文指，西貢塔門近日出現「密集式露營」，霸佔了原本牛隻棲息的草地，露營客不但亂丟垃圾，更有孩子手持木棍作勢想打牛。牛義工希望遊客勿破壞自然環境，尊重在山上生活的牛隻。

牛義工指重陽節連假大批人到塔門露營。FB專頁「西貢牛」圖片

義工形容「密集過劏房」。FB專頁「西貢牛」圖片

牛義工在FB專頁「西貢牛」發文指，在前日（25日）假日時有大量遊客湧入西貢塔門郊遊露營，「再一次令塔門多人過旺角」，義工指在碼頭已看到有大批帶着露營裝備的人士正在排隊等上船。抵達塔門後，更見到一排排的帳篷駐紮在草地上，義工形容「密集過劏房」。而身為原居民的牛隻早已被趕離草地，義工指草地全部都被露營人士霸佔，牛隻沒有地方吃草，只好在沙地上徘徊，「僅餘嘅草仔都喺帳幕下，牛牛得返沙地，想刨下草仔都無」。露營客更亂丟垃圾，牛隻不時誤吃，「未去到草地，已經見牛牛摷垃圾食，啲人亂扔到周地垃圾」，義工指責露營客毫無公德心。

FB專頁「西貢牛」圖片

草地被人霸佔，牛隻沒有地方吃草。FB專頁「西貢牛」圖片

連斜波都有人紮營。FB專頁「西貢牛」圖片

另外，牛義工更目睹一名孩子手持木棍恫嚇牛隻，義工急忙阻止並向媽媽解釋，「呢嗰細路，拎支大樹枝，同佢啊媽講話幫佢趕牛，我同佢啊媽講，收好食物就可以，牛牛見無嘢食，聞下哄下後會離開，唔洗嚇，唔洗趕，更加唔洗拎支棍。」，義工質疑孩子根本有意打牛，「唔好話拎支棍做樣，如果拎支棍做到樣嘅，將支棍掛喺個營就趕到牛啦～拎支棍都喺不懷好意想打牛啦」，牛義工慨嘆牛隻都被趕離棲息的草地，他在帖文中呼籲遊客不要打擾牛隻的生活，「其實牛牛只係喺自己屋企活動，收好食物，佢無嘢食就會自己離開，請唔好趕牛嚇牛！牛牛先係塔門原居民！」

露營客亂拋垃圾，牛隻不時誤吃。FB專頁「西貢牛」圖片

露營客亂拋垃圾，牛隻不時誤吃。FB專頁「西貢牛」圖片

FB專頁「西貢牛」發文指假日大批遊客到塔門露營，不但亂拋垃圾，更趕走草地上的牛隻。FB專頁「西貢牛」圖片

不少網民看到帖文後，都表示憤怒，「露營啲人好自私」、「見到成篇嘢就火滾，而家香港周圍都是camping，啲人又無公德心」、「霸佔了牛牛地方，還要打牛！」

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」