社會事
可遇不可求~~
好的工人姐姐可遇不可求！教小朋友做功課及溫習都是考驗情商和耐性的時候，但有工人姐姐居然自動請纓幫少主溫習！
「外傭僱主必看新聞訊息」Facebook圖片
一位媽媽在Facebook「外傭僱主必看新聞訊息」發布兩張相片，表示工人姐姐知道兒子有英文測驗，便主動出卷讓兒子溫習，笑言工人姐姐仲勤力過仔仔温習！她表示，不只是這一次，每次英文功課、默書、測驗和考試，工人姐姐都跟到足，很緊張兒子。不過工人姐姐只負責兒子的英文，其他中文、數學、常識都是媽媽自己跟。
「外傭僱主必看新聞訊息」Facebook圖片
工人姐姐手寫試卷比少主溫習。「外傭僱主必看新聞訊息」Facebook圖片
有網民大讚姐姐超好，更可以幫忙慳補習費，「好過請補習老師」、「你姐姐真係好有心」、「出卷比做卷辛苦呀，難得好姐姐」。亦有網民大讚姐姐寫字靚，港媽則表示當初請工人姐姐時有特別留意姐姐的字體，因為她認為字體可以反映一個人的性格。
西多士是不少港人下午茶至愛，加返一杯奶茶，就是最佳的配搭！不過日前有一位女網民在尖沙咀茶檔叫了一份西多士，賣相差到嚇人，她大批似足一件「穿窿底衫」！
正方形西多士 離奇分為兩塊
網民日前在Facebook群組發文，指日前到尖沙咀海防道茶檔叫了一份西多士，只見她貼出的相片中，西多士被炸到變形，而且不是呈現經典的金黃色，疑似是炸的時間太耐而偏啡，而且最離譜的是，一個正方形的西多士，竟被離奇分為了兩塊，其中一塊面頭放上了一個快融的芝士塊。網友寫到「唔知係我孤陋寡聞定係見識少，西多士咁樣上碟」，更標籤了「海防道」及「穿窿底衫」兩行字。
示意圖。《愛回家》劇照
FB圖片
有網民即刻留言問「又係海防道黑街市？呢餐貴過食餐飯？」，事主回應是，而餐茶的價錢竟然是52元。
網友狠批：點解仲可以比客人食
網民見相中的西多士，都紛紛留言狠批「點解仲可以比客人食，現在飲食業已經咁困難，為咗一塊西多士而損失一個客人，值得嗎？」、「呢個換著係我衝入佢廚房，黐線，香港飲食業就係俾XX廚搞衰個朵。」、「真係仲好意思攞比客人食，真係佩服！」、「陳年老油又多油焦，片包仲要爛埋，真係當d客on X先會咁樣比人食」、「唔係見到咁唔退貨呀！」。
網友：斬件上冇收多你兩蚊，你賺咗啦
有網民覺得業界應該檢討下「求其到呢.....d業界無生意又賴呢樣賴果樣，就從未聽過講自己問題」、不過都有網民以搞笑理由安慰事主：「斬件上，冇收多你兩蚊，你賺咗啦」、「你當佢買大送細，心理上就覺得舒服好多了」及「買大送細」。
示意圖。《愛回家》劇照
