社會事
香港樓價屹立不倒。
香港樓價即使政治衝突加上新冠肺炎衝擊都是屹立不倒。連登討論區有網民於「感情台」發帖，指他30多歲，與同女朋友拍拖都一段時間，對方「日日問睇樓未、買樓未，肯努力啲未」，他自言「其實我已經好努力，無奈我都係打工仔」
應否置業成為不少港人的難題。資料圖片
事主透露，女友日日催結婚，「本身係應該支持既說話聽落愈來愈大壓力」。女友又期望他獨力置業，「女人真係好X煩，X佢儲錢買包包，我一個月零消費去買樓，公平咩」
隨即有網民質疑，「咁你幾時買嘢關佢咩事」、「問下佢：點解唔係一齊努力，而係單方面不斷畀壓力你?」、「一段長時間都唔知你無能力？似想逼死你多啲，講啲咁樣說話嘅女人唔要都罷，又唔出錢，一日到黑問問問、逼逼逼，俾到首期，一個唔好彩失業供唔起，記得攬埋佢一齊X」。
有男網民抱怨每日遭女友催促買樓。資料圖片
也有人建議當事人先儲錢，在新界西北上車盤或者市區的舊樓單位起步。也有網民就奉勸當事人小心女友移情別戀，「好快就會話有個同事/朋友揸靚車住豪宅，好心你學下人啦，然後過多兩個星期呃你話同frd食飯就上去呢個男人度...」
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
