勿以善小而不為!
一名的士司機日前在網上發文,分享自己接載到一名身體不適的女乘客,對方甚至未到目的地已急急落車嘔吐,還直接將錢包遞給他,著他自行拿取車資。司機不但如實拿對方應付車資,還一直目送她回家,暖心之舉獲不少網民大讚。
這名的士司機10月27日在Facebook群組「的士司機資訊網 Taxi」發文,分享當日凌晨2時許,在尖沙咀廣東道接載到一名年約20歲的年輕女生,目的地為長沙灣元州邨。但駛至長沙灣東京街時,女乘客開口表示自己感到不適:「司機我好唔舒服,想嘔。」並希望在富昌邨下車。
事主估計女乘客或有兩頭住家,所以元州邨或富昌邨都可落車。停車後女乘客拿出錢包,直接遞給他:「你自己拎啦,攞500都得㗎。」他慌忙回應指車資僅52.9元,「做人好公道嘅」,然後從錢包拿了一張100元紙幣,並找續47元予對方。
事主稱,女乘客一下車便蹲在巴士站旁邊嘔吐,「我又有d(啲)擔心佢有事,一個女仔喺路邊」,故他將的士駛前,從倒後鏡一直目送她,「所以停前少少望住倒後鏡10分鐘,最後見佢起咗身行入邨,安心!開車!」。
他形容自己也育有一名女兒,所以擔心對方乃人之常情,「自己做人老竇,我都有個囡,只係擔心佢有事先停一陣,望見佢行到入邨心安啲。」他在文末又表示:「都係果(嗰)句:我哋職業係的士司機,唔係賊!唔需要偷呃拐騙,唔需要乘人之危。」
網民都紛紛留言大讚事主做法暖心,「多d好似你咁嘅人,香港會更美好」、「司機叔叔好好人,希望多啲好人好事」、「講得啱,做好自己本分」、「好人一世平安,不管你做什麼職業」、「你就係一個唔貪心嘅人」。也有網民分享自己醉酒經歷,指同樣遇過好人司機:「我都試過飲醉酒,眼都張不開,司機話到咗我成個手袋比佢攞錢,之後落車瞓左響馬路,途人見狀報警。其實我響邊到落車,直到我返到屋企,全程都冇開過眼,瞓醒睇返銀包啲錢冇乜小過,感恩遇到老實司機。」