勿以善小而不為！
一名的士司機日前在網上發文，分享自己接載到一名身體不適的女乘客，對方甚至未到目的地已急急落車嘔吐，還直接將錢包遞給他，著他自行拿取車資。司機不但如實拿對方應付車資，還一直目送她回家，暖心之舉獲不少網民大讚。
設計圖片
這名的士司機10月27日在Facebook群組「的士司機資訊網 Taxi」發文，分享當日凌晨2時許，在尖沙咀廣東道接載到一名年約20歲的年輕女生，目的地為長沙灣元州邨。但駛至長沙灣東京街時，女乘客開口表示自己感到不適：「司機我好唔舒服，想嘔。」並希望在富昌邨下車。
設計圖片
事主估計女乘客或有兩頭住家，所以元州邨或富昌邨都可落車。停車後女乘客拿出錢包，直接遞給他：「你自己拎啦，攞500都得㗎。」他慌忙回應指車資僅52.9元，「做人好公道嘅」，然後從錢包拿了一張100元紙幣，並找續47元予對方。
事主稱，女乘客一下車便蹲在巴士站旁邊嘔吐，「我又有d(啲)擔心佢有事，一個女仔喺路邊」，故他將的士駛前，從倒後鏡一直目送她，「所以停前少少望住倒後鏡10分鐘，最後見佢起咗身行入邨，安心！開車！」。
設計圖片
他形容自己也育有一名女兒，所以擔心對方乃人之常情，「自己做人老竇，我都有個囡，只係擔心佢有事先停一陣，望見佢行到入邨心安啲。」他在文末又表示：「都係果(嗰)句：我哋職業係的士司機，唔係賊！唔需要偷呃拐騙，唔需要乘人之危。」
網上圖片
網民都紛紛留言大讚事主做法暖心，「多d好似你咁嘅人，香港會更美好」、「司機叔叔好好人，希望多啲好人好事」、「講得啱，做好自己本分」、「好人一世平安，不管你做什麼職業」、「你就係一個唔貪心嘅人」。也有網民分享自己醉酒經歷，指同樣遇過好人司機：「我都試過飲醉酒，眼都張不開，司機話到咗我成個手袋比佢攞錢，之後落車瞓左響馬路，途人見狀報警。其實我響邊到落車，直到我返到屋企，全程都冇開過眼，瞓醒睇返銀包啲錢冇乜小過，感恩遇到老實司機。」
