Sheldon指Affa幾年前已叫佢做爹哋
TVB歌唱比賽《超級巨聲2》出身的32歲羅孝勇（Sheldon）與31歲模媽王丹妮（Louise）拍拖4年，今日被爆已入紙申請註冊結婚！在擬結婚通知書上，兩人同樣報稱居住何文田，相信他們早已同居；而在婚姻狀況一欄中，已育有一女Affa的Louise顯示為「未婚」，換言之她當年是未婚產女。
點擊看圖輯
Sheldon與模媽Louise被爆已入紙註冊結婚！
拍拖4年的Sheldon和Louise估計早已同居。
在婚姻狀況一欄顯示為「未婚」的Louise已育有一女Affa。
Sheldon榮升人夫兼繼父
Sheldon與模媽Louise被爆已入紙註冊結婚！
Sheldon指Affa幾年前已叫他做爹哋。
拍拖4年的Sheldon和Louise估計早已同居。
在婚姻狀況一欄顯示為「未婚」的Louise已育有一女Affa。
榮升人夫兼繼父的Sheldon回覆傳媒時，表示雙方都想低調處理，不便透露太多；他僅透露已於去年求婚，不想因疫情拖太耐而影響一個承諾，故先簽紙後補辦婚禮。Sheldon又否認奉子成婚，亦不介意做繼父，「個女幾年前都叫我爹哋，我完全OK，自己都想有（小朋友），或再遲啲先，想Focus工作。」Louise表示：「多謝，但我哋比較喜歡低調，所以唔想透露太多，現在生活幸福美滿，多謝關心。」
王丹妮大讚男神張孝全！
王丹妮（Louise）與張孝全、鮑起靜、Mauricio Henao等主演，台裔美籍導演陳駿霖首部執導全英語對白演出的電視劇《Coolie》，經過近五個月拍攝後，終於煞青，Louise並趕及由多明尼加共和國返港出席日前的金像獎頒獎禮，與《毒舌大狀》的團隊一起分享獲得「最佳電影」的喜悅。近日Louise更收到《Coolie》監製通知該劇正在康城舉行的MIPTV賣片活動中，廣受買家歡迎，令她更期待透過此劇讓國際觀眾認識自己。而完成這次漫長拍攝之旅後，Louise忍不住的說：「終於可以同另一半Sheldon（羅孝勇）重聚；因為五個月前完婚後才兩天，還來不及渡蜜月，我便要飛往多明尼加共和國開工。跟囡囡和老公分開兩地，想死我了！」
王丹妮赴多明尼加拍攝電視劇《Coolie》。
Louise感恩今次參演獲益良多！
Louise三個幾星期前，曾特地返香港拍攝金像獎特刊，趁機陪囡囡雅念玩了兩日再趕返巴拿馬完成最後拍攝，直至日前才正式煞青回港。她直指今次到多明尼加拍劇五個月，是自己有史以來最長一次遠行工作，令她非常掛念老公Sheldon和囡囡。「以前出門做嘢最多三個月之後就會返香港唞一唞之後先再去第二度。但今次時間就再耐啲，honeymoon都無就同Sheldon say goodbye 到而家都未見到面，只靠視像變咗網戀，下星期Sheldon 有一個禮拜假期可以返香港，我哋終於隔咗五個月之後再見面，所以好期待！」
台裔美籍導演陳駿霖首部執導全英語對白演出的電視劇《Coolie》，由王丹妮與張孝全、鮑起靜、Mauricio Henao等主演。
除了老公和女兒之外，身在外地Louise最掛念就是香港的美食，並分享當地人的飲食口味說：「好掛住牛雜河，辣嘢同埋米線，因為嗰邊冇，當地人唔鍾意食辣，反而啲嘢食好鹹，好似成樽鹽倒瀉咗咁…又或者啲嘢飲好甜，半杯都係糖…哈哈。」
Louise自揭被男神張孝全圈粉。
Louise很幸運遇上友善的劇組，讓她輕鬆地渡過五個月的拍攝，又可跟鮑起靜和張孝全偷師演技，Louise先大讚男神張孝全，指自己已被圈粉。「平時我哋兩個都係比較文靜少少比較怕羞嘅人，但係孝全個人非常好，亦都好Humble（謙虛）。拍攝嘅時候兩個人感覺都幾有默契，所以我哋嘅場口其實大部份時間都拍得好順利。現場拍攝團隊入邊嘅女仕們全部都俾佢性格同造型迷倒，佢哋仲即刻搞咗個Fans Club，我都係高級會員！」
而面對影后級鮑姐，Louise表示儼如上了堂演技進修班！
左起：方平、王丹妮、鮑起靜
至於面對影后級鮑姐，Louise形容興奮多過緊張，自己儼如上了堂演技進修班：「我同鮑姐合作拍攝嘅時候真係完全見證到乜嘢係『快靚正』！一秒就入戲！所以拍攝當下我只係focus 努力做好表演，唔記得咗緊張。」此行鮑姐丈夫方平都有同行陪拍，Louise更主動做小導遊帶兩位一齊到處遊覽。
除了3位主角之外，今次Louise參演這部作品結集來自逾40個國家的劇組人員，加上異國情調，風光明媚國度下拍攝，Louise感恩今次參演獲益良多。「團隊上下大家都被南美洲熱情嘅文化日漸影響，例如聽到音樂就會起舞唱歌，同佢哋一齊工作，我自己各方面都學到好多亦成長咗好多。以拍攝完煞科個刻真係好唔捨得，返酒店睇住大家簽晒名送俾我所嘅卡同文字都忍唔住喊咗。煞青party大家都相擁而泣，始終大家唔係喺同一個國家生活，唔知何年何月先有機會再見。 」
Louise趕及由多明尼加共和國返港出席日前的金像獎頒獎禮。
同《毒舌大狀》團隊分享獲得「最佳電影」的喜悅！
至於今次新劇內容，Louise大賣關子亦相當保密，因此不少朋友和粉絲以為過去5個月她去了旅行，Louise笑言大家誤會了：「工作嘅照片暫時不能發到網上，所以大家只見到我終於有得放假嘅時候出去玩嘅日常，而難得放假就當然會搵嘢玩搵嘢食感受當地生活同文化，所以大家以為我返工返到去旅行度假咁，其實係錯覺嚟嘅，哈哈。」
