狗主都係自己放狗啦!
香港人生活忙碌,不少人都會聘請外傭幫忙照顧家中狗狗。不過有網民表示,多次見到一名外傭放狗時只顧玩手機,由得狗狗坐在地上,甚至悶到食草,更有街坊爆料指有次見到外傭3小時坐在公園長凳,狗狗亦只好睡在一旁,引起熱議。
狗狗無聊趴在一旁。外傭僱主必看新聞訊息FB
網民在「外傭僱主必看新聞訊息」Facebook群組發文,指在荃灣西公園至少碰過該名外傭5次以上,外傭並沒有放狗,只是坐在長凳自己玩電話,狗狗只能好悶地趴在一旁,甚至悶到食草。「如果你係僱主,請儘量自己同狗狗散步。如果請姐姐幫忙,請留意姐姐有冇齋坐悶到狗狗食草,動物唔識講,做主人請多多關心」。
狗狗無聊趴在一旁。外傭僱主必看新聞訊息FB
貼文引起關注,網民指「最驚一陣食咗老鼠藥就大件事」、「這個工人連基本同情心都無,殘害狗狗生命」,另外更有街坊留言指,「我日日帶狗狗都行呢條路,見過佢好多次,睇到金毛狗狗由細細隻係地下瞓到大大隻,有次過咗3個鐘佢都無郁過」。
食客叫連鎖快餐店外賣驚見「超薄切豬扒」、「紙咁薄西多」,引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文,表示日前到某連鎖快餐店買外賣,當打開外賣後盒,驚見其中的吉列豬扒超級薄,更揶揄「薄切吉列豬扒,真係好功夫」。從照片中可見,這塊吉列豬扒真的非常薄身,外層的炸粉比肉更厚,十分誇張。
有食客光顧連鎖快餐店買外賣,驚見「超薄切吉列豬扒」。(FB圖片)
引網民揶揄「燈影豬扒」
照片一出,不少網民批評快餐店離譜「偷工減料好嚴重」、「加價好過降低食物品質,做臭自己個招牌」、「根本用肉片,佢都好意思俾人食」;網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉!」、「爭少少薄過A4紙」。
有網民留言表示亦曾經中伏。(FB圖片)
又係連鎖快餐店出事,食客堂食「西多紙」
其後,又有另一食客於同一Facebook群組分享類似中伏經歷,表示日前到某連鎖快餐堂食,點了雞髀拼西多士,豈料西多士竟然薄如蟬翼,他立刻拿出身上的拉尺一度,件西多竟不足0.5厘米厚,從照片看,根本看不出來是一件西多,樓主苦笑言「好食,皮薄餡靚,大推」。
有另一食客遇上「西多紙」。(FB圖片)
網民笑「人情薄⋯西多仲薄」
帖文同樣引熱議,有網民搞笑表示「西多紙」、「而家牛角包都興壓扁黎食,可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮?」、「可能係春卷皮」、「又有納米吉列豬扒又有納米西多,香港真係飲食天堂」、「人情紙咁薄已經過時,而家興用吉豬或者西多」。
網民分享「超薄叉燒」。(FB圖片)
有人分享「超薄紅腸」。(FB圖片)
帖文來源:Facebook群組「香港茶餐廳及美食關注組」