獲兔女郎大媽唱歌祝壽 梁漢文「入五」前爆開心

好驚喜！

昨日(11月5日)係梁漢文（Edmond）「入五」前最後一個生日，身在內地工作的Edmond完成14日酒店隔離生活後，可趕及出關慶生。昨晚他上載了一條搞笑慶生短片，片中不用開工，坐在食店貴賓房正等候開飯的梁漢文全神貫注地打手機期間，房門打開，友人捧來一個生日蛋糕，Edmond禮貌地回應：「多謝！多謝！」最爆係房門口企住幾位大媽，帶住發光兔女郎耳仔飾物，舉起食店發光招牌，拍晒手，笑晒口，跟足咇，好投入咁為他大唱happy birthday to you, happy birthday to you…」唱完一次後，還加送多次快拍版！最後更用國語跟壽星仔說：「生日快樂！萬事如意！心想事成！」咁賓至如歸享受，反而嚇咗Edmond一跳，不停喺度傻笑。

玩玩吓手機有驚喜。

朋友送上生日蛋糕，原來好戲在後頭。

他面露尷尬笑容說：「嘩！好勁喎，多謝多謝！喂...呢度食飯好正喎，你睇有埋fans，仲買埋廣告！」Edmond最後還以掌聲鼓勵，仲用半鹹半淡國語讚賞說：「你們都『妏飄靚』(好漂亮)呀！」相當搞笑。

梁漢文今年生日真驚喜。

兔大媽咁落力演出，唔係唔畀掌聲呀！

唱完慢版仲有快版，大媽唱既投入又啱咇。

大媽咁入戲，梁炳惟有讚返佢哋巧漂亮啦！

在內地工作嘅梁漢文趕及出關慶生，但佢防疫意識就好似低咗啲，口罩覆蓋唔到口鼻及下巴位喎！

之前他在酒店接受咗14日隔離，悶到動手清潔馬桶。

酒店隔離日子敷面膜扮靚。

攞住香蕉扮吸煙解吓悶。

梁漢文留言：「今年生日在內地工作中渡過，晚上與朋友一起食飯，沒想到有意外驚喜，竟然有…#水煮魚美女唱生日歌」

進入結局周的《香港人》劇情越趨緊張，陳展鵬將吳若希嬲到離家出走之後，梁漢文彈琴冧吳若希勁浪漫！

由鍾澍佳總監製、黃國輝監製、陳翹英編審的台慶劇《馬百良安宮牛黃丸呈獻：香港人在北京》，周一至五晚9點半翡翠台播映。進入結局周的《香港人》劇情越趨緊張，30日講到Helen（吳若希Jinny飾）踢爆港仁（陳展鵬飾）隱瞞與蘇菲（蔡潔飾）同遊珠海，Helen嬲爆向港仁興師問罪，港仁解釋隱瞞此事只是擔心她會胡思亂想，Helen聞言再度怒火中燒：「點解我同蘇菲有一個一樣嘅手袋，就係因為你做錯嘢，就係因為你覺得對我唔住，所以買番個手袋氹我開心！」、「如果我唔係搵人查你，我一世都唔會知！」港仁反斥Helen暗中調查他，拋下一句：「我哋兩夫妻，搞到你查我我查你，咁就叫做信？」最終Helen嬲爆離家出走，兩夫妻關係陷入冰點！

Jinny嬲到離家出走，展鵬最終點樣氹番個老婆呢？

展鵬與Jinny於這場攤牌戲演繹到位，兩人你一言我一語谷到眼紅紅，Jinny的落淚表情更是令人心噏，戲味十足！展鵬受訪時坦言這場攤牌戲拍了幾個Take：「我希望盡量搵到個好節奏，演到嗰種真實感。畢竟我哋都結咗婚係過來人，現實中喺屋企少不免都有啲嘈吵同磨擦，有時都會傷到個心，更何況我同Jinny喺套劇中有第三者介入，係件好嚴重嘅事，希望呢場戲演到嗰種真實感。」提到不少網友大讚他與Jinny火花十足，展鵬說：「我對Jinny嘅評價都好高分，平時我好少同對手講應該要點演，我覺得真正嘅好拍檔要因應住大家嘅感覺去合作，亦都好多謝Jinny咁信任我，如果佢唔信任我，出到嚟嘅CP感唔會咁強。」講到Jinny於《香港人》的演出獲讚有驚喜，展鵬說：「作為佢嘅拍檔當然為佢感到開心，證明我同佢嘅互動好有火花！之前同過唔少女演員合作，但同Jinny合作係有啲唔同，始終佢演戲經驗比較新，但佢對角色拿捏得恰到好處，演出笑中有淚嘅感覺。」

展鵬同Jinny呢場攤牌戲勁有戲味。

展鵬同Jinny谷到眼紅紅。

展鵬同Jinny谷到眼紅紅。

Jinny嘅喊樣睇到人心都噏埋！

梁漢文彈琴冧吳若希勁浪漫

另邊廂，離家出走的Helen陰差陽錯下搬到張帥（梁漢文Edmond飾）家中「同居」，Helen遂發現張帥家中有一間神秘的房間，好奇張帥是否如電影《格雷的五十道色戒》的男主角一樣置有「玩具房」！但原來該神秘房間並非「玩具房」，只是張帥擺放鋼琴的房間，他向Helen躺開心扉透露自己是單親家庭長大，其中一部鋼琴是獨力湊大他的媽媽所贈送，惟五年前媽媽過世，之後他便失去寫歌的靈感，最終在Helen的鼓勵下，張帥學會釋懷並為Helen演湊鋼琴，場面浪漫。對於這場彈琴戲，Edmond在花絮片中透露是他最印象深刻的一場，他說：「我好重視呢場戲，因為我知道呢個劇情對部劇好重要，喺講晒自己嘅心底話之後，再要打開鋼琴去彈琴，係我好深感受嘅一場戲。」

另邊廂，梁漢文帶Jinny去拍拖搵番戀愛嘅感覺。

兩人陰差陽錯下畀手扣鎖住，場面搞笑。

之後會玩埋「同居」添！

梁漢文向Jinny坦白自己嘅身世。

梁漢文彈琴冧Jinny，場面好浪漫！