麥包話係和平分手
發生在麥包(麥長青)身上的故事，真是一波未平一波又起！麥長青妻子林孜擾攘多年的手機炒賣騙案，引發麥包亦受牽連出現錢債糾紛官司，麥包受到滋擾被人追數。及後他入稟高院禁止對方再作損害其名譽的行為並索償800萬港元，但法官裁定麥包敗訴，同時亦駁回被告要求麥包賠償118萬港元的反申索。官司敗訴，4個月前他與友人合資7位數於大坑開鋪賣和牛，諗住疫市轉型，做吓生意人自救，怎知和牛店最近被人淋紅油刑毀，搞到要報警處理。紅油風波後，原來麥包日前已低調地急急退股，同老婆全面撤出和牛店，今日麥太在社交網出post同和牛店劃清界線，表示因理念不同，和拍檔和平分手。而麥包接受訪問時，卻解釋是有其他工作要兼顧而已。
點擊看圖輯
麥包話係和平分手
今日Allison出Post寫道：「由7月到現在剛好4個月，每天上班下班，切肉刨肉包裝甚至到送貨，幾辛苦都係開心做，因為每天都在學習，到現在睇到塊肉就可以分到係咩位，影相編輯所有野(嘢)都自己來，好有滿足感，今日我同老公要告訴一直支持同有關注我哋嘅朋友們，我哋正式退出大坑和牛店，因理念不同，和拍檔和平分手，多謝呢4個月以來來過鋪頭的好朋友們，我又做返師奶啦！各好朋友們可以約我食飯啦！」
記者追問麥包，火速退股是否同紅油風波有關？他解釋不是，強調不關事：「嗰件事經已交咗畀警方處理，只係我有自己工作要做，怕時間上未必顧兼得到啫！我啲拍檔檔都好明白同體諒，呢幾個月嚟學多咗好多嘢，尤其喺營運方面，就算送埋貨，成個過程都好開心，大坑啲人好有人情味。所以成事件我好開心嘅。」本身諗住轉型瞓身一搏的麥包，失去了一個賺錢門路都不會失望：「和牛店生意暫時係未有錢賺嘅，就算失去咗都冇問題，總之冇損手離場，冇不愉快事件。」
近4個月麥包不獨在店內打躉，還落手落腳，相當投入。
麥包話過大坑好有人情味，附近店鋪還會送他糖水。
和牛店開業4個月，上月竟被淋紅油。
麥包只在乎全家人齊齊整整，不在乎命運有好多波折。
麥包太太今日突然在社交網出Post，爆老公有份經營的大坑和牛店已經退了股。
今日Allison出Post寫道：「由7月到現在剛好4個月，每天上班下班，切肉刨肉包裝甚至到送貨，幾辛苦都係開心做，因為每天都在學習，到現在睇到塊肉就可以分到係咩位，影相編輯所有野(嘢)都自己來，好有滿足感，今日我同老公要告訴一直支持同有關注我哋嘅朋友們，我哋正式退出大坑和牛店，因理念不同，和拍檔和平分手，多謝呢4個月以來來過鋪頭的好朋友們，我又做返師奶啦！各好朋友們可以約我食飯啦！」
麥包曾經講過和牛店成為全家人的事業，突然不玩惹來揣測。
記者追問麥包，火速退股是否同紅油風波有關？他解釋不是，強調不關事：「嗰件事經已交咗畀警方處理，只係我有自己工作要做，怕時間上未必顧兼得到啫！我啲拍檔檔都好明白同體諒，呢幾個月嚟學多咗好多嘢，尤其喺營運方面，就算送埋貨，成個過程都好開心，大坑啲人好有人情味。所以成事件我好開心嘅。」本身諗住轉型瞓身一搏的麥包，失去了一個賺錢門路都不會失望：「和牛店生意暫時係未有錢賺嘅，就算失去咗都冇問題，總之冇損手離場，冇不愉快事件。」
麥太出post跟和牛店劃清界線，但表示是和平分手。
近4個月麥包不獨在店內打躉，還落手落腳，相當投入。
麥包話過大坑好有人情味，附近店鋪還會送他糖水。
和牛店開業4個月，上月竟被淋紅油。
麥包只在乎全家人齊齊整整，不在乎命運有好多波折。
被指人生經歷波折重重，他卻說：「的確浮浮沉沉，個天成日畀考試，但每當考驗完又會有光景，有啲嘢會畀到你，可能個天想我學啲嘢同睇啲嘢呱！亦慶幸個天畀條路我向前行，惟有順應天命，努力安守本份做好自己，唔好諗得咁負面，只要屋企人齊齊整整，我就OK喇！」
