好想試!
薯片幾乎人人都鍾意食。(GETTY圖片)
薯片可謂係人人都鍾意食，各家品牌耐唔耐就大玩創意新口味，搶佔薯片控嘅味蕾。卡樂Ｂ又玩新口味推出「咕嚕肉」和「鮑魚味」薯片，聽到名都好想買包試試。
「咕嚕肉」和「鮑魚味」薯片
傳統忌廉洋蔥味、鹽味、燒烤味的薯片，好似吃極都不夠過癮係爭咁啲！今次卡樂Ｂ新推出「咕嚕肉」和「鮑魚味」薯片，又再一次將香港人最愛的廣東菜口味加持到薯片上，上次玩過叉燒飯味和銷魂切雞飯味，今次除咕嚕肉難度更高，因為除了要做到咕嚕肉個層橙橙紅紅的羅望子滷汁外，仲要有埋主角肉香同配菜菠蘿香味，坦白講令到鍾意食薯片的小編都好期待！
「咕嚕肉」薯片
「鮑魚味」薯片
另一款新口味鮑魚味薯片，雖然小編唔識煮鮑魚，不過都知道鮑魚汁唔易調製，點樣係薯片上做到鮑魚、雞肉、火腿同豬皮混合的濃厚鮮味鮑汁，就要等 11 月中在各大超級市場、便利店及零售店上架後，先可以知道了！