鍾欣潼隔離期間想飲「珠奶」 蔡卓妍首度自家即製兼送上門

姊妹情深

鍾欣潼（阿嬌）日前由內地返港，正在進行14天居家隔離。好姊妹蔡卓妍（阿Sa）今日就在社交平台上載短片，化身「外賣仔」送上驚喜。事緣阿嬌視像通話時透露自己想飲珍珠奶茶，阿Sa竟然親自炮製，更以立體包裝盒冰鎮住送到阿嬌門口。鬼馬的阿Sa㩒完門鐘放低奶茶便離開，沒有與阿嬌直接見面，不過阿嬌試飲完大讚好味，仲指對方可以開奶茶舖！如果阿Sa想的話二人也可以合資，自己負責飲，阿Sa負責煮，十分搞笑。

奶茶包裝成生日蛋糕造型。

阿嬌試飲完大讚好味。

阿嬌試飲完指對方可以開奶茶鋪。

阿Sa負責煮。

阿嬌負責飲。

阿Sa真係唔話得，整愛心奶茶畀阿嬌。

至於阿Sa就Sweet爆留言說：「我嘅第一次送咗比嬌嬌。」並Hashtag「第一次整珍珠奶茶」以及「其實啲珍珠喺超級市場有得買」。不過阿Sa似乎又對好姊妹嘅提議感到非常心動，因為她走去問網友如果開奶茶店的話應該叫乜名，實行計畫撈多瓣。

蔡卓妍阿Sa的代言版圖除了香港，更擴展亞洲多個國家，包括星加坡、馬來西亞及泰國，認真厲害！

Twins剛於上月完成打破自己演唱會場數紀錄的十四場演唱會，二人放假後便馬上投入工作。一向受不同品牌歡迎的蔡卓妍（阿Sa）最近再和頭髮護理品牌50惠續約代言，除了香港，其代言版圖擴展亞洲多個國家，包括星加坡、馬來西亞及泰國，認真厲害。

阿Sa最近再和頭髮護理品牌50惠續約代言。

馬來西亞

新加坡

泰國

品牌自2022起邀請阿Sa擔任代言人後，除了令大眾對品牌有更多的認識，她的影響力令品牌在亞洲市場上得到進一步提升，同時也為品牌銷售額創下亮眼成績。正因為阿Sa超強的叫座力，今年品牌決定再度跟阿Sa續約。阿Sa表示自從跟品牌合作後，除了對於護髮更加了解，也更懂得如何選擇護理頭髮的產品，自言有一套護髮心得，「出埠拍戲就算開通頂，幾攰幾眼瞓都好，返到酒店我會堅持洗埋頭先瞓。頭皮都要好好養育，每日洗完頭之後，分番條界，然後將護髮精華唧喺條界度按摩，等頭皮吸收晒啲精華，幫助頭皮健康。」

蔡卓妍IG圖片

阿Sa又分享「頭皮的故事」，「真人真事，Mani介紹咗個朋友用，三個月後頭髮好明顯甩少咗，keep得到。」問到今次續約任代言人，酬勞有否加碼，阿Sa表示大家開心，笑言：「最緊要品牌覺得物有所值。」又謂現在星馬泰都有銷售點，十分方便，「星馬泰都係大家成日去嘅地方，下次旅行唔駛帶，去到買就得，勁方便，上次我去泰國超級市場見到仲影咗俾同事。」

蔡卓妍IG圖片