仙氣女神恨演女漢子 簡淑兒同男友復合不急於結婚

Jessica認為現階段是跟男友努力工作

「仙氣女神」簡淑兒（Jessica），早前在《C9特工》演貼地女神「Laura」，迷倒宅男「DQ」朱敏瀚；最近在《踩過界II》演王浩信靚女徒弟見習大律師「Jasmine」。Jessica直言演女神怕擔當不起，近年練到一身肌肉的她，反而想演女漢子。講到跟圈外男友甩拖一年後復合，31歲的她自言不急於結婚，反而認為現階段是跟男友努力工作的搏殺期。

Jessica為健康着想，規定自己每日要飲一加侖水。

Jessica跟男友復合後，不急於結婚，反而想事業上再搏殺。

對於再演「女神」，Jessica對《頭條新聞》直言都有點擔心未能勝任，更認為相對於「女神」，更適合做女漢子，「都會想試吓啲反差大角色，或者男仔頭，型啲，其實我私底下好男仔頭，唔係大家諗好嬌滴滴，所以有時都想畀大家睇吓，除咗做鄰家女孩，我可以做剛強啲烈女都OK嘅。」

簡淑兒坦承恨演女漢子角色，現階段同男友復合亦不急於結婚。

Jessica跟朱敏瀚已合作多次，所以男友都好放心唔會呷醋。

在《踩過界II》Jessica演王浩信徒弟見習大律師「Jasmine」。

近年練得一身肌肉的Jessica，絕對有條件做烈女，她迷上gym更有多重原因，「做gym好大滿足感，因工作或感情，唔係付出幾多就有幾多回報，但做gym係好成正比，擺幾多努力同心機就會有幾多回報，呢樣係我喺人生中可以控制度嘅嘢。」她又自揭還因胞姐肺部曾出問題要動手術，令她更注重健康，「屋企人唔舒服，自己意識到健康有幾重要，其實做gym唔係為咗操嗰身肌肉，係想健康，拍劇成日捱夜，對身體唔好，唔使開工就盡量用方法令自己健康啲。」

Jessica認為健身不為操肌，最重要令自己更健康。

前年Jessica迷上健身，操到靚靚腹肌。

談到早前跟分開一年的圈外男友復合，她承認之前男友不明白工作情況，現在努力嘗試磨合，「以前嘅我係好唔鍾意嗌交，好多嘢都唔係好識得表達，好多嘢會選擇忍，而佢係個好直接好簡單嘅人，有咩脾氣就發，有嘢就講，變咗以前夾唔到，𠵱家大家學識咗，我講多啲自己感受，佢就唔好每一件事都睇得咁差，咁樣睇吓會唔會再磨合得到。」她又坦言不想身在美國的父母擔心她，所以會努力工作再想結婚，「女仔係呢個年紀搏殺，衝得就做多啲。」

藝人隊的簡淑兒，何雁詩，莊韻澄於首集率先出賽，挑戰實體虛擬賽車，更聯同其他嘉賓岑珈其等正式落場試駕，體驗做真正賽車手。

HOY TV《我要做車手》真人show已於10月15日（星期日）首播，由香港女車手楊嘉怡Denise和吳雲甫Owen擔任節目主持。10月15日起，逢星期日晚 10:00 於HOY TV 77台和觀眾一起體驗速度與快感！藝人隊的簡淑兒，何雁詩，莊韻澄於首集率先出賽，挑戰實體虛擬賽車。10月19日她們更聯同其他嘉賓岑珈其、李月兒(Luna)、梁凱晴(Nina)、敖嘉年、唐浩嘉(Kiko)及陳欣茵正式落場試駕MG X Power RS4真車，大展賽車技術，體驗做真正賽車手。

挑戰實體虛擬賽車

由World RX (HK) Management Limited主辦的FIA（FIA World Rallycross Championship）世界場地越野車錦標賽中國香港站將於11月11至12日一連兩天在中環海濱活動空間舉行賽季年終賽。早前在海選中已挑選了一批參賽者，他們經過比賽後，將會在10月20日選出最後5位勝出者進入11月的年終賽。

楊嘉怡Denise與吳雲甫Owen

HOY TV全程跟進賽車選秀戰並進行拍攝，並邀請9位藝人一齊帶領觀眾直擊這個國際級盛事！由上月週末開始，藝人嘉賓們已分別密鑼緊鼓為「RX明星賽」做好準備，參與以模擬器賽車訓練，接受模擬挑戰「圈速賽」。

MG X Power RS4真車

是日，攝製隊及一眾藝人嘉賓來到元朗大棠賽車場，現場拍攝真實賽車情景。雖然陳欣茵沒有車牌，未能落場試駕賽車；但她今日作為副駕，笑言原來真實賽車好刺激，坐完「好似死過翻生」！同場亦有專業賽車手為大家示範賽車，一眾嘉賓亦乘機可以偷師學習。