Edmond百足咁多爪地出席不同活動
正在內地工作的梁漢文（Edmond），凌晨在社交平台一連上載多張相片，他留言指：「呢兩個禮拜好充實，錄音、拍MV、講波、探訪、電台訪問、生日仲有水煮魚添。」只見他百足咁多爪地出席不同活動，而最搞笑的莫過於Edmond今年的生日飯。
點擊看圖輯
梁漢文疫情下依然Keep住忙碌，錄音同開Live之餘，仲去探訪小朋友同食生日飯。
曼聯對阿仙奴賽事，身為曼聯迷的梁漢文為騰訊體育講波。
梁漢文獲水煮魚餐廳職員送上生日祝福，壽星大讚侍應姐姐們「姣飄靚（好漂亮）」。
梁漢文為新歌拍MV。
梁漢文為新歌錄音。
梁漢文疫情下依然Keep住忙碌，錄音同開Live之餘，仲去探訪小朋友同食生日飯。
曼聯對阿仙奴賽事，身為曼聯迷的梁漢文為騰訊體育講波。
梁漢文去探訪內地小朋友。
梁漢文接受內地電台訪問。
梁漢文開Live大展歌喉。
梁漢文獲水煮魚餐廳職員送上生日祝福，壽星大讚侍應姐姐們「姣飄靚（好漂亮）」。
Hard Sell燈牌與侍應姐姐。
梁漢文剛在本月5號渡過49歲生日，雖然生日都要開工，但仍獲一眾友人為他慶祝兼食水煮魚。Edmond對水煮魚最有印象唔係因為好食，而係因為餐廳職員為他唱生日歌時，連燈牌都寫住餐廳名，Hard Sell味極濃，Edmond更大讚餐廳職員們「姣飄靚（好漂亮）」。
進入結局周的《香港人》劇情越趨緊張，陳展鵬將吳若希嬲到離家出走之後，梁漢文彈琴冧吳若希勁浪漫！
由鍾澍佳總監製、黃國輝監製、陳翹英編審的台慶劇《馬百良安宮牛黃丸呈獻：香港人在北京》，周一至五晚9點半翡翠台播映。進入結局周的《香港人》劇情越趨緊張，30日講到Helen（吳若希Jinny飾）踢爆港仁（陳展鵬飾）隱瞞與蘇菲（蔡潔飾）同遊珠海，Helen嬲爆向港仁興師問罪，港仁解釋隱瞞此事只是擔心她會胡思亂想，Helen聞言再度怒火中燒：「點解我同蘇菲有一個一樣嘅手袋，就係因為你做錯嘢，就係因為你覺得對我唔住，所以買番個手袋氹我開心！」、「如果我唔係搵人查你，我一世都唔會知！」港仁反斥Helen暗中調查他，拋下一句：「我哋兩夫妻，搞到你查我我查你，咁就叫做信？」最終Helen嬲爆離家出走，兩夫妻關係陷入冰點！
Jinny嬲到離家出走，展鵬最終點樣氹番個老婆呢？
展鵬與Jinny於這場攤牌戲演繹到位，兩人你一言我一語谷到眼紅紅，Jinny的落淚表情更是令人心噏，戲味十足！展鵬受訪時坦言這場攤牌戲拍了幾個Take：「我希望盡量搵到個好節奏，演到嗰種真實感。畢竟我哋都結咗婚係過來人，現實中喺屋企少不免都有啲嘈吵同磨擦，有時都會傷到個心，更何況我同Jinny喺套劇中有第三者介入，係件好嚴重嘅事，希望呢場戲演到嗰種真實感。」提到不少網友大讚他與Jinny火花十足，展鵬說：「我對Jinny嘅評價都好高分，平時我好少同對手講應該要點演，我覺得真正嘅好拍檔要因應住大家嘅感覺去合作，亦都好多謝Jinny咁信任我，如果佢唔信任我，出到嚟嘅CP感唔會咁強。」講到Jinny於《香港人》的演出獲讚有驚喜，展鵬說：「作為佢嘅拍檔當然為佢感到開心，證明我同佢嘅互動好有火花！之前同過唔少女演員合作，但同Jinny合作係有啲唔同，始終佢演戲經驗比較新，但佢對角色拿捏得恰到好處，演出笑中有淚嘅感覺。」
展鵬同Jinny呢場攤牌戲勁有戲味。
展鵬同Jinny谷到眼紅紅。
展鵬同Jinny谷到眼紅紅。
Jinny嘅喊樣睇到人心都噏埋！
梁漢文彈琴冧吳若希勁浪漫
另邊廂，離家出走的Helen陰差陽錯下搬到張帥（梁漢文Edmond飾）家中「同居」，Helen遂發現張帥家中有一間神秘的房間，好奇張帥是否如電影《格雷的五十道色戒》的男主角一樣置有「玩具房」！但原來該神秘房間並非「玩具房」，只是張帥擺放鋼琴的房間，他向Helen躺開心扉透露自己是單親家庭長大，其中一部鋼琴是獨力湊大他的媽媽所贈送，惟五年前媽媽過世，之後他便失去寫歌的靈感，最終在Helen的鼓勵下，張帥學會釋懷並為Helen演湊鋼琴，場面浪漫。對於這場彈琴戲，Edmond在花絮片中透露是他最印象深刻的一場，他說：「我好重視呢場戲，因為我知道呢個劇情對部劇好重要，喺講晒自己嘅心底話之後，再要打開鋼琴去彈琴，係我好深感受嘅一場戲。」
另邊廂，梁漢文帶Jinny去拍拖搵番戀愛嘅感覺。
兩人陰差陽錯下畀手扣鎖住，場面搞笑。
之後會玩埋「同居」添！
梁漢文向Jinny坦白自己嘅身世。
梁漢文彈琴冧Jinny，場面好浪漫！
