*

upload_article_image

粉絲送蛋糕補祝36歲生日 謝票活動變周柏豪生日會

粉絲好有心。

由謝天華、周柏豪、連詩雅主演的犯罪動作電影《無間行者之生死潛行》今日上映,片中飾演未婚夫妻的周柏豪和連詩雅,早前於電影優先場,突襲尖沙咀一間戲院與粉絲見面。進場時兩人仍然入戲Sweet到爆,現場更有粉絲熱情高呼:「嫁畀佢啦!」看到粉絲如此喜歡電影,柏豪與Shiga都大感興奮,Shiga表示:「完場聽到好多人討論我同柏豪嘅感情戲,都話有感動到,有流眼淚。」柏豪坦言首次擔演反派心情緊張:「其實都擔心大家睇完會唔喜歡,終於感受到做反派驚畀觀眾鬧嘅滋味!今次落嚟戲院同觀眾睇足全場,見大家睇得好投入,完場仲畀好多鼓勵我同Shiga,終於可以放下心頭大石!」

有粉絲為上週生日的柏豪送上蛋糕。

現場粉絲都以超熱烈的掌聲及歡呼聲支持柏豪和Shiga,有粉絲更送上蛋糕,大唱生日歌,祝上週36歲生日的柏豪生日快樂,令謝票活動頓時變為柏豪生日會。兩人為答謝粉絲的熱情和支持,送出電影海報及明信片給粉絲留念,更即場簽埋名,對於粉絲合照的要求更是有求必應。

- 閱讀更多 -

Tags:

往下看更多文章