女團BINGO出道4年靠《造星III》翻身 卡文誓做有餡花瓶

卡文目標要殺入最後十強。

女團BINGO成員26歲卡文（關嘉敏Carman）最近參加ViuTV《全民造星III》成功打入50強，前哨戰打頭陣出場，淡定表現即被兩名導師林二汶和彭秀慧爭崩頭搶入組，證明有一定實力。出道4年卡文坦承始終知名度不高，希望今次靠參賽翻身，令觀眾重新認識她。有「翻版周秀娜」之稱的卡文，最擔心被睇死是花瓶，她講明要做都要做有實力的花瓶，目標要殺入最後十強，望到時有上台solo演出機會。

卡文有樣有身材，更被封為「翻版周秀娜」，難怪好易俾人覺得似花瓶。

中英名：卡文/關嘉敏 Carman Kwan 生日：1994年8月24日 三圍：36C / 25” / 36” 身高：173cm 體重：53kg

《造星III》面試時兩位導師都話冇聽過BINGO，卡文感受特別深，「梗係hurt啦！始終又唔係太短時間，都4年都仲係未有人聽過你個名，連BINGO都未聽過，咁都有啲灰心嘅，但係唔緊要啦！我都諗住重新開始，唔緊要繼續踩啦！」

卡文憑女團BINGO 出道4年冇人識，望靠參加《造星III》翻身，更誓要做有餡花瓶。

卡文講到家人即眼濕濕，因入行後仍要問媽咪攞錢覺得好抱歉。

面試時，卡文被睇死是花瓶，即喊到收唔到聲。

卡文承認4年來BINGO原地踏步，因不停換成員累事，她笑言：「我啲隊員係可以開兩枱麻雀！今次參加呢個比賽變咗衝破咗個關口，唔係用BINGO又再轉人嘅方式去衝破，而係用自己個人名義。今次算自己獨立單位參加呢個比賽，我都想知道，如果我唔係BINGO呢個名，我自己關嘉敏呢個名可以行得幾遠。」

前哨戰卡文打頭陣出場表演Rap及跳舞，成功令兩名導師爭崩頭搶入組。

卡文第二次出場，跟彭秀慧B2組另外4位成員一齊表演《神不守社》。

由於樣靚身材正，卡文面試時被睇死做花瓶，即喊到收唔到聲，她坦言要為女團平反，「唔希望吊住個名就俾人標籤咗女子組合就係花瓶，我感覺一直以嚟都係比較多人咁樣去諗，自己都唔想有呢個花名，其實花姐都成日講，『你入圍都係因為你花瓶，你靚咪入到圍囉！』我想證明我唔係花瓶！」不過卡文亦承認靚女參賽確實有着數，「投票嘅時候啲人見到你幅相靚啲，咪着數啲囉！都係會有好處嘅，但係我都係唔想做花瓶，我想做一個有餡嘅花瓶囉！」

BINGO在16年成立，當時有5位成員，身為隊長的卡文（中）4年來看着隊友進進出出。

BINGO除了卡文有份參加《造星III》，另一個成員Odi（陳康琪）和前成員夏子涓都入圍50強。

《造星III》現在開始分AB組對賽，更要參賽者互相投票淘汰同組成員，卡文投了老友Vincent即被網友狂插虛偽，卡文坦承預了網民的負評，反而最擔心俾導師鬧，「我覺得OK嘅，我可以handle到網民嗰啲，我係驚導師鬧我，因為佢哋係教我嘢，佢鬧我咪係我有啲嘢做得唔好或者唔啱，網民嗰啲我控制唔到㗎嘛！咩都會講一餐㗎啦！所以我OK囉！」

卡文話家人雖然擔心亦好支持她入行，胞姐Kay早前更在她的社交網出鏡做嘉賓。

KB（李健宏）的網上靈探節目《又要睇又要驚》，搵卡文演出外，更搵她拍主題曲MV，大讚她可做「新一代鬼后」。

講到參賽目標，卡文好肯定話：「最希望梗係贏啦！但係入到十強已經好開心，十強有個人表演，因為除咗pre round係個人，之後全部都係小組表演，之後要到十強，我好想去表演自己想表演嘅嘢，諗一個構思展現畀大家睇。其實我已諗定，我好似十拿九穩一定入十強咁樣，哈哈！有個構思好想表演畀大家睇，所以我一定要入到十強！」

《福祿壽訓練學院》製作組為保持神秘，一直未有公布50位入圍者身份，今日就公開了50位入圍者代號，「翻版」巨星雲集勁有噱頭！

由阮兆祥、李思捷、王祖藍主持的香港首個扮嘢真人Show《福祿壽訓練學院》將接棒《中年好聲音2》強勢推出。採用淘汰賽制的《福祿壽訓練學院》，集齊緊張、殘酷、啜核於一身，經過超過為期半年招募，製作組最終在數百名海選參賽者中，精挑細選50位別具扮嘢潛能的入圍者接受福祿壽三子悉心調較。50位入圍者中，除了有本地薑，還有來自內地及澳門等不同地區的選手，當中一半是素人、一半是藝人；眾人先後要在初選及第二輪面試中脫穎而出，才有資格在首兩集的首輪競賽亮相。

《福祿壽訓練學院》將於3月31日正式開學。

福祿壽嘅造型宣傳照。

由於首輪競賽以「盲選」方式進行，為保持神秘，製作組一直未有公布50位入圍者身份，不過據知單是入圍藝人已相當多元，除了有前天堂鳥成員葉泓聲（Gordon）、還有近年演戲屢見突破的關嘉敏、坐擁8級小提琴音樂資格的吳兆麟（Alan）、以及港姐出身的靚女主持伍韻婷（Juliana）等。

今日（3月26日）製作組率先發布了50位入圍者（49個單位）代號，分別為「行走的CD機」、「新會華Dee」、「還珠攻略」、「廣州暴龍哥」、「大灣區梅姐」、「古惑包皮」、「四捨五入王祖藍」、「臨時郭富城」、「人肉變聲器」、「張繼馬利」、「中山曾比特」、「澳門萬朱莎華」、「鬚根吳君如」、「女版阮兆祥」、「醬爆古天樂」、「Lowbud大熱」、「長洲喜劇王」、「西貢籮記」、「扮聲勁過李思捷」、「鴨脷洲霑叔」、「葵涌阿Rain」、「大埔扮嘢王」、「王祖藍必選」、「沙田詹瑞文」、「勁高寧」、「友台藝人」、「少女肥媽」、「許志家駒」、「屯門王傑」、「一人扮嘢之境」、「山寨都敏俊」、「變聲歌神」、「星爺接班人」、「球王B朗」、「大坑小G」、「買一送一」、「堆填區小龍女」、「老翻林峯」、「元朗劉華」、「HK MR. Bean」、「中女西面」、「深井張國榮」、「鬼王菀之」、「光B女」、「我愛林峯」、「古巨軒」、「一人Avantgardey」、「收縮舞王」及「選美冠軍」。觀乎以上名單，不難發現噱頭十足，除了有大量翻版藝人包括：劉德華、周星馳、郭富城、林峯等外，就連韓星及三位導師的翻版亦在名單之列，期待值爆燈。

為公平起見，製作組事先強調無論是面試或是首輪競賽，均不會提供任何物資或是人力上支援，換言之無論藝人或是素人，要突圍都要絞盡腦汁在自己能力應付範圍內做到最好。對此有份參賽的關嘉敏、Gordon、Alan及Juliana受訪時，均坦言在造型上花了不少心思！Gordon為了向鍾情的跳唱偶像致敬，不但苦練勁舞，更動用大量人情咭：「今次面試片無論音樂、剪接同effect都係朋友幫手做，另外有四位只係收咗車馬費幫我跳舞嘅Dancers，仲有幫我搵呢四位Dancers、同幫我fine tune隻舞嘅同門師兄弟，好多謝呢班一直以嚟陪伴住我嘅戰友。」

大家又估唔估到Gordon扮邊個呢？

大家又估唔估到Gordon扮邊個呢？

大家又估唔估到Gordon扮邊個呢？

大家又估唔估到Gordon扮邊個呢？

大家又估唔估到Gordon扮邊個呢？

至於Alan，則找來《全城一叮》好拍檔黃瀅仴幫忙化妝，並與好友劉倬昕（Sam Lau）拍住上面試：「啲衫同道具都係我哋喺網上買完返嚟再整，挑戰都幾大，我都好擔心出街後自己形象會被摧毁。」

到底點解Alan（右）同Sam Lau要拍住上呢？

佢哋又扮緊咩呢？

佢哋又扮緊咩呢？

留意節目啦！

關嘉敏則坦言為了首輪競賽造型花了不少功夫，並很開心獲一眾好友鼎力支持：「身邊好多朋友都好興奮、好願意去幫我，同埋專登搵人做咗件同嗰個人嘅招牌Look一模一樣嘅衫，成本都高，但我冇理、因為只係想一心做好件事。」關嘉敏續指單是化妝已花了3至4個小時，並笑言最開心是化了妝後，現場幾乎沒有人認得她。

關嘉敏呢個造型同本人真係好大差別，到底佢扮緊邊個呢？

關嘉敏呢個造型同本人真係好大差別，到底佢扮緊邊個呢？

關嘉敏呢個造型同本人真係好大差別，到底佢扮緊邊個呢？

選擇以經典電影《功夫》中的包婆造型面試的Juliana，則坦言希望能藉著參賽突破自己：「呢個角色好iconic，同埋好粗魯同好霸氣，我都想show畀人睇我扮到呢一面。其實佢個造型都算易，只要有煙、同埋我屋企又咁啱有條類似嘅裙，佢個頭係我用自己嘅頭髮卷出嚟。」

Juliana話自己喺面試時已盡情粗魯。

Juliana話自己喺面試時已盡情粗魯。

Juliana話自己喺面試時已盡情粗魯。

Juliana話自己喺面試時已盡情粗魯。

可惜都係畀幕後工作人員組成嘅評審嫌佢太過cute。

據知，素人方面實力亦相當出眾，其中一名參賽者阿昭，更由面試到打入首輪競賽期間均以low budget成功震撼幕後工作人員及三位導師。今日製作組公開阿昭模仿汪明荃（阿姐）跳唱《熱咖啡》面試相，除造型令人眼前一亮，當中的「星級客串」亦是甚為爆笑！阿昭受訪時，坦言整個造型前後花費不足200港元，並笑言星級客串是重點：「汪阿姐咁重量級，我可以模仿到佢三生有幸。阿姐嘅《熱咖啡》相信好多人睇過，再由我扮佢相信反差會大啲，亦希望爆笑啲。成個造型我係上網買晒成套衫、再將啲羽毛搵啲爛衫纏落去DIY出嚟，Budget都控制到喺200蚊之內，另外都好多謝一班朋友願意幫手演出。」阿昭更預告首輪競賽造型繼續200港元之內搞掂，認真精打細算。

阿昭嘅《熱咖啡》演繹真係不得了。

佢話佢全程仲特登冇表情，因為一來希望咁樣出嚟效果好笑啲，二來可以增加觀眾想像空間。

佢呢條面試片亦係「巨星」雲集，除咗羅家英、仲有陳豪、蕭正楠、黃宗澤同馬國明。