Skip to Content Facebook Feature Image

麥美娟再開咪「得罪人」 一次過鬧衛生署署長、行會召集人

博客文章

麥美娟再開咪「得罪人」 一次過鬧衛生署署長、行會召集人
博客文章

博客文章

麥美娟再開咪「得罪人」 一次過鬧衛生署署長、行會召集人

2020年11月23日 11:00 最後更新:11:07

工聯契姐麥美娟和政壇名咀屈穎妍(阿屈)推出的「得罪人系列之進諫師」又有新節目,今舖真係大件事,兩位烈女拆解建制派與政府的關係,一次過得罪唔少人,特別是在任官府高層。

不過契姐都承認,內部會議中佰蚊佢都已經鬧過,唔怕再公開講。

講到「問責制」,屈穎妍就話,現在內地當官其實真的是步步為營,一旦做錯了事就真的要別問責,例如青島出了12宗確診個案,即刻有兩個人頭落地。但香港到現在都還沒清零,仍有好多問題,卻沒人需要問責,甚至還能拿勛章。

麥美娟就率先開名衞生署署長陳漢儀,稱其為「雲端處長」。她說事實上大家也不是要官員次次都人頭落地,其實只是想見一見真身,但疫情搞成咁,處長卻成日唔見人,大部分只記得日日出席發佈會的張竹君醫生。

屈穎妍亦感慨之前禽流感、沙士襲港,市民日日睇直播,都見到當年衞生署署長陳馮富珍,現在這位陳署長,屈穎妍話自己咁關心新聞的人,都無法想起她長什麼樣!

契姐說問過好多人,大家都沒深刻印象衛生署署長是誰,或者長什麼樣。陳處長由疫情開始到依家,大概出席了兩次到三次記招。當有人污衊普及檢測、散佈假消息的時候,她作為一個醫生也不肯做出一個專業的澄清。因此,麥美娟就隔空喊話署長:「我都唔求你問責,出來行兩步啦,我只想見你嘅樣姐!」

鬧開有癮,兩人又提到行政會議。麥美娟話,自己好唔滿意行政會議召集人陳智思,上年陳智思不時放風出來自保,突然又跑出來將自己講得好巴閉咁。

幾個星期前,陳智思又出來批評特區政府上年處理修訂逃犯條例的手法不好,麥美娟就聽唔落去:「喂大佬!你就坐係行政會議,仲喺特首附近,還是召集人,唔係普通的行政會議成員啊!」麥美娟批評,不管當事人有什麼目的,即使只是想要很持平地說一些話,但要講也應該在上年就講了,當時大家想找一個社會代表出來講話都找不到,全部都躲起來了。

講開又講,其實建制派也好,政府也好,接受批評都係好基本的要求,但建制派都不能以為,鬧政府就可以獨善其身,甚至覺得鬧完政府就能得到市民的支持。麥美娟提醒,大家都應該認清楚,建制派的角色和定位是一個政權建設者和保衛者,是一個執政聯盟,大家坐在同一條船上,不要想著要去切割,大家要有一個胸襟去接納批評意見,才能共同做好工作,扮演好執政聯盟的角色。




Sebastian

** 博客文章文責自負,不代表本公司立場 **

Tags:

政府

往下看更多文章

在旅發局擔任旅遊義工 點只做「義工」咁簡單?

2024年04月24日 15:43 最後更新:15:55

旅發局進一步擴大旅遊義工計劃,準備招募更多對旅遊業有熱情的市民尤其是年輕人,希望佢哋身體力行做好東道主的角色,同旅客分享各種旅遊主題和知識。

Sebastian去聽了這些義工分享的經驗,發覺原來喺旅發局做義工真係唔係「義工」兩個字咁簡單,佢哋的經歷有趣的一面,也有感人之處。

「旅遊義工」Agnes退休前任職跨國公司管理層。

「旅遊義工」Agnes退休前任職跨國公司管理層。

退休前在一家跨國公司做管理層的Agnes,擔任旅遊義工計劃已經有12年的時間,有什麼令佢印象深刻的經歷呢?Agnes分享話,在2018年的時候,遇到一位英國來的老人家,帶住一家大細同一本相簿,想搵返相片中的景色拍照留念。原來呢一位英國老人家係喺香港出生,5歲時跟隨父母返回英國居住。根據呢位老人家的自白,他對香港的記憶全部來自父母影低嘅相。

收到呢個請求之後,Agnes就一心想幫佢完成這個心願,認真幫老人家研究攝影地點喺邊度。結果就發現,除了一個景點外,其餘全部都對得上,Agnes就教老人家如何去現場影返啲相。佢哋影相時甚至擺出了當年老人家父母的甫士。

因為參加義工計劃不是日日返工,每次服務時長僅需大約3個鐘,Agnes隔幾日才會去到尖沙咀旅遊咨詢中心當值。事件過去後,有天返時時,有旅發局同事搵到Agnes,話英國老人家來告別,留底紀念品俾佢。Agnes打開禮物一睇非常感動,原來係老人家的父母當年喺香港影的舊照片。Agnes覺得呢啲係老人家的獨家回憶,不敢收藏,因為承載咗佢對父母的緬懷。後來先知,原來老人家已將舊相數碼化,送俾Agnes嘅係拷貝,現在存放在旅發局。

Agnes話,每當想起這段回憶,自己能夠幫老人家完成心願,好有滿足感。

退休之前喺跨國企業做管理層的Agnes仲笑言話,做義工工作仲有一個好處,就係佢平時返工工作壓力非常之大,做義工反而係佢緊張的工作生涯找到放鬆自己的一種好方法。

由新加坡回流香港發展的Marco,透過參與「旅遊義工」計劃重新認識香港。

由新加坡回流香港發展的Marco,透過參與「旅遊義工」計劃重新認識香港。

Marco做咗6年的義工,佢係土生土長的香港人,但之前去了新加坡定居工作,但仍然覺為香港「做番啲嘢」,於是加入到義工招募計劃,現在從新加坡回流回香港,更希望通過計劃喺香港服務遊客,將香港的旅遊咨詢同旅客分享。

由於曾在新加坡生活,熟番當地人的生活習慣和語這,在做旅遊義工時,可以運用經驗協助遊客,例如,了解新加坡沒有鵝,只有鴨供應,所以明白新加坡遊客到香港品嘗和購買燒鵝是熱門活動,他就一早了解定向遊客介紹。

做旅遊義工,除了要求兩文三語流利,如果識多一種語言,對工作就更有幫助。Marco就笑言,除了三語,他仲識講新加坡式的英文,咁接待新加坡遊客時,佢就有個人優勢,黎到香港玩的新加坡人亦會覺得有親切感。

最新一期的旅遊義工計劃已開始招募,一直去到5月31日截至。今年成功入圍咗呢個計劃的學員,除咗可以學習多項本地旅遊方面的知識,譬如傳統本地文化、購物、綠色旅遊等等,今年仲邀請到星級導師,教大家點樣做好旅遊使者。

各位如果有興趣都可以試下報名參加計劃,為香港旅遊出一分力,亦都係結識世界唔同地區朋友嘅好好機會。

你 或 有 興 趣 的 文 章