46歲森美愈嚟愈多嗜好 騎馬電單車帆船釣魚乜都玩

唔知仲會玩咩呢？

擁半億身家，家住廣播道相連豪宅的森美近年勁多嗜好，跟老婆Veronica學騎馬後，又迷上古董電單車，兩年內已添置四部電單車，得閒就同一班車友如張繼聰去兜風，森美話「全部都係老婆放水先有得買㗎。」

跟老婆去騎馬。

四架愛車之一，森美周不時揸住佢去買餸。

經常跟森美出巡嘅古董電單車。

森美同張繼聰經常約埋遊車河。

郊遊亦係森美至愛活動之一。

以為森美就咁收手？近期佢又跟隊去參加帆船比賽，仲好有感覺咁話，「看到captain和crew合作的專業，看到人和大自然的角力。」

跟隊去參加帆船比賽。

森美拎住條細麟好興奮。

玩開陸地突然轉玩海，森美尋晚就走去釣魚，仲釣到好多大大條嘅細鱗，佢好開心，「點解我有條咁大嘅魚？你諗下邊個帶我去釣魚先得㗎。」原來有釣魚達人帶佢去釣魚，有食神喎。

森美：「有用嘅嘢想用都冇得用」！

全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！

Mayanne同GM分別擔任主持及助理主持。

今集請嚟火火（左起）、森美同埋劉翁擔任嘉賓。

年屆50嘅森美笑言最開心係可以同BTS一齊入伍。

火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！

火火親述「抓龍筋」過程，啲表情包勁爆笑。

之後眾人大談中年危機6大徵兆，其中一項係性能力/性慾下降。

森美激動表示慘遭老婆無視，搞到「有用嘅嘢想用都冇得用」！

之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」

之後講到依家男士魅力不再，森美留意到依家好多男人操肌係為咗吸引異性。

再講到出軌問題，森美話成本太高唔敢嘗試。

已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。

劉翁自爆第一段婚姻出軌經歷。